Senat halyqaralyq bankten 345 mln eýro qaryz alý týraly zańdy qabyldady. Bul týraly QazAqparat habarlady, dep jazady "Adyrna" ulttyq portaly.
«Jyldyń 2 shildesindegi QR Prezıdentiniń Jarlyǵyna sáıkes 345,7 mln eýro somasyndaǵy Qaryz týraly kelisimge 24 tamyzda qol qoıyldy. Qaryz tolyǵymen bıýdjet tapshylyǵyn qarjylandyrýǵa baǵyttalatyn bolady. Qarajat respýblıkalyq bıýdjette kózdelgen áleýmettik jáne basqa da maqsattarǵa arnalǵan bıýdjet shyǵystaryn jabýǵa múmkindik beredi», - dedi QR Premer-mınıstriniń orynbasary — Qarjy mınıstri Erulan Jamaýbaev.
Onyń aıtýyna qaraǵanda, Dúnıejúzilik banktiń qaryzy Qazaqstan Respýblıkasyna 11,5 jylǵa beriledi. Onyń ishinde 2,5 jylǵa jeńildik kózdelgen.
«Syıaqy stavkasy Eýrıbor jáne ózgermeli spredten turady. Birjolǵy komıssııa da ıgerilmegen qaryz qaldyǵyna eseptelgen rezervtik komıssııa 0,25% quraıdy. Qaryzǵa qyzmet kórsetý jáne ony óteý kelisimde belgilengen qarjylyq sharttarǵa sáıkes júzege asyrylady», - dedi Erulan Jamaýbaev.
Senat depýtattary zańdy biraýyzdan qabyldady.
"Adyrna" ulttyq portaly
