قۇلىباەۆقا ۇلتتىق سپورت كوميتەتى نە ءۇشىن كەرەك؟

4535

2015 جىلدىڭ 26-شى ءساۋىرى كۇنى الماتى قالاسىنداعى “ينتەركونتينەنتال” قوناق ۇيىندە XVII ۇلتتىق وليمپيادا كوميتەتىنىڭ قۇرىلتايىندا تيمۋر قۇلىباەۆ ۇلتتىق وليمپيادا كوميتەتىنىڭ پرەزيدەنتى بولىپ تاعايىندالعان ەدى. كەشەگى قاسىرەتتى قاڭتار وقيعاسىنان كەيىن ەكس-پرەزيدەنتتىڭ تۋىستارى بيلىكتەن شەتتەتىلە باستاعانى بارشاعا بەلگىلى.

بىراق قۇلىباەۆ ەلىمىزدەگى ءارتۇرلى لاۋازىمداردان شەتتەتىلگەنىمەن ءدال وسى ۇلتتىق وليمپيادا كوميتەتىنىڭ پرەزيدەنتى قىزمەتىنەن ءالى كۇنگە كەتپەي وتىر.

پرەزيدەنت ق. توقاەۆ كۇنى كەشە وتكەن بەيجىندەگى قىسقى ويىندار وليمپياداسىنا تيمۋر قۇلىباەۆتى الىپ بارعان دا جوق. ونىڭ وزىندە دە ءبىر ءمان بولسا كەرەك.

بىراق سول الاماندا قازاقستان تۋى جەڭىس تۇعىرىنان بىردە-ءبىر رەت جەلبىرەمەدى. تەك ءساندى فورماسى عانا جۇرت نازارىنا ىلىكتى دەسەك، ارتىق ايتقاندىق ەمەس. وسىدان كەيىن-اق مەملەكەت تاراپىنان ۇلتتىق وليمپيادا كوميتەتىن قارجىلاندىرۋ توقتاتىلسىن دەگەن شەشىم شىقتى.

مۇنىڭ ءوزى كوزى قاراقتى جۇرت تۇسىنىگىندە “قۇلىباەۆ كەت!” دەگەن يشارا رەتىندە قابىلداندى. بىراق ونى استە “كۇلشەلى كۇيەۋ بالا” تۇسىنە قويماعان ءتارىزدى.
ەكس-پرەزيدەنتتىڭ تۋىستارى مەن سىبايلاستارىنا ەۋروپا ەلدەرى سانكتسيا سالۋدى قاراستىرىپ جاتىر.

ولاردىڭ بەل ورتاسىندا قۇلىباەۆتىڭ اتى دا اتالادى. ەندى وسىنداي دامىعان شەتەلدىك مەملەكەتتەر تاراپىنان سانكتسياعا ۇشىراپ جاتقان تۇلعا باسقاراتىن سپورتتىق مەكەمە، قالاي قاناتىن كەڭگە جايماق؟

ءارى-بەرىدەن سوڭ، سانكتسياعا ىلىنگەن تۇلعا قالايشا شەكارا اسىپ بارىپ ەل سپورتىنىڭ مۇددەسى تۇرعىسىنان كەلىسسوزدەر جۇرگىزە الادى؟
بارىنەن دە ءبىزدى تاڭ قالدىراتىنى - تيمۋر قۇلىباەۆقا بۇل مەكەمەنىڭ باسشىلىعى نە ءۇشىن كەرەك؟

الدە “جاڭا قازاقستاندا” دا سپورت سالاسىن دا ساۋىن سيىرداي قاراجات “ساۋىپ” وتىرۋدى كوزدەي مە ەكەن؟ كىم ءبىلسىن…

“ادىرنا” ۇلتتىق پورتالى

Фото Tengrinews.kz
پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket