ساپاسىز ءبىلىم بەرىپ، تەك ديپلوم تاراتۋمەن اينالىسقان ەلىمىزدەگى 5 جوعارى وقۋ ورنىن جابۋ بويىنشا سوت پروتسەسى ءجۇرىپ جاتىر. بۇل تۋرالى عىلىم جانە جوعارى ءبىلىم ۆيتسە-ءمينيسترى قۋانىش ەرعاليەۆ ايتتى، دەپ حابارلايدى ”ادىرنا” ۇلتتىق پورتالى.
“سوڭعى 2-3 جىلدا ديپلوم تاراتاتىن ۋنيۆەرسيتەتتەرمەن جۇمىس جۇرگىزىلىپ جاتىر. بۇگىندە 15 ۋنيۆەرسيتەت جابىلدى. 5 ۋنيۆەرسيتتى جابۋ بويىنشا سوت پروتسەسى ءجۇرىپ جاتىر. بيىل 28 رەت مەملەكەتتىك باقىلاۋ جۇرگىزدىك. ونىڭ 14-ءى – جوسپارلى تۇردە، قالعانى – پروفيلاكتيكالىق باقىلاۋ”، - دەدى ءمينيستردىڭ ورىنباسارى وكق-دا وتكەن ءباسپاسوز ءماسليحاتىندا.
قۋانىش ەرعاليەۆ اتالعان جوعارى وقۋ ورىندارىندا ناقتى قانشا ستۋدەنت بارىن ايتا المادى.
«وندا قانشا ستۋدەنت ءبىلىم الىپ جاتقانىن ايتا المايمىن. الايدا ءار ۋنيۆەرسيتەتتە شامامەن 2-3 مىڭ ستۋدەنت ءبىلىم الادى دەپ ەسەپتەسەك، وندا 10 مىڭ ستۋدەنت بولۋى مۇمكىن»، - دەدى ۆيتسە-مينيستر.
