مەملەكەتكە نيكەل مەن كوبالت كەن ورنى قايتارىلدى. ول بۇرىنعى يندۋستريا جانە ينفراقۇرىلىمدىق دامۋ ۆيتسە-ءمينيسترى تيمۋر توقتاباەۆتان الىندى، دەپ حابارلايدى «ادىرنا» ۇلتتىق پورتالى Tengrinews.kz-كە سىلتەمە جاساپ.
«مەملەكەت باسشىسىنىڭ زاڭسىز ساتىپ الىنعان اكتيۆتەردى قايتارۋ جونىندەگى تاپسىرماسىن ورىنداۋ بارىسىندا بۇرىنعى ۆيتسە-مينيستر ت. توقتاباەۆقا قاتىستى قىلمىستىق ءىستى تەرگەۋ شەڭبەرىندە مەملەكەتكە قوستاناي وبلىسىنداعى «شەۆچەنكوۆسكوە» بىرەگەي كەن ورنى قايتارىلدى»، - دەلىنگەن حابارلامادا.
كەن ورنىندا نيكەل (1,075 ميلليون توننا) جانە كوبالت (585,9 مىڭ توننا) قورى بار. پايدالى قازبالار قورلارىنىڭ قۇنى 5,6 تريلليون تەڭگەدەن اسادى.
ەسكە سالايىق، بيىل 27 قازاندا استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ ت. توقتاباەۆقا قاتىستى ۇكىم شىققان بولاتىن. ول پايدالى قازبالاردىڭ ءىرى قورلارى بار كەن ورىندارىن ونىمەن ۇلەستەس تۇلعالارعا بەرۋ كەزىندە اۋىر زارداپتارعا اكەپ سوقتىرعان لاۋازىمدىق وكىلەتتىكتەردى تەرىس پايدالانعانى ءۇشىن كىنالى دەپ تانىلعان. توقتاباەۆقا 7 جىل باس بوستاندىعىنان ايىرۋ جازاسى تاعايىندالدى.
سونىمەن قاتار مەملەكەتتىك قىزمەتتە قىزمەت اتقارۋ قۇقىعىنان جانە «ەرەن ەڭبەگى ءۇشىن» مەملەكەتتىك ناگراداسىنان ايىرىلىپ، قىمبات مۇلىكتەرى تاركىلەندى.
«ادىرنا» ۇلتتىق پورتالى
