اقوردا پرەزيدەنت قاسىم-جومارت توقاەۆتىڭ تاياۋدا قىتايعا ساپارلايتىنىن جازدى، دەپ حابارلايدى "ادىرنا" ۇلتتىق پورتالى اقوردانىڭ ءباسپاسوز قىزمەتىنە سىلتەپ.
مەملەكەت باسشىسىنىڭ ءباسپاسوز قىزمەتىنىڭ Telegram-كانالىندا حابارلانعانداي، پرەزيدەنت توقاەۆ 28-29 ناۋرىزدا قىتاي حالىق رەسپۋبليكاسىنا جۇمىس ساپارىمەن بارادى جانە بواو ازيا فورۋمىنىڭ سەسسياسىنا قاتىسادى.
«ساپار باعدارلاماسىنا قازاقستان پرەزيدەنتى مەن قىتاي حالىق رەسپۋبليكاسىنىڭ باسشىلىعى، حالىقارالىق ۇيىمدار مەن ءىرى قىتايلىق كومپانيالار باسشىلارىنىڭ بىرقاتار كەزدەسۋلەرى كىرەدى»، - دەپ اتاپ ءوتتى اقوردادا.
كەشە پرەزيدەنت توقاەۆ قحر شىڭجاڭ-ۇيعىر اۆتونوميالىق اۋدانى كوممۋنيستىك پارتيا كوميتەتى حاتشىسىنىڭ ورىنباسارى، شۇاا حالىق ۇكىمەتىنىڭ توراعاسى ەركين تۋنيازدى قابىلداعان. ء"بىز قىتايدىڭ ەكونوميكالىق ءوسىمىن ءجىتى باقىلاپ وتىرمىز جانە بۇل باعىتتاعى قارقىندى دامۋى مەن قول جەتكىزگەن ناتيجەلەرىنە باسا ءمان بەرەمىز. قىتاي – ەكونوميكالىق دامۋ تۇرعىسىنان الەمدەگى باستى ەلدەردىڭ ءبىرى،"- دەگەن سوندا پرەزيدەنت.
ەركين تۋنياز - شىڭجاڭداعى ۇيعىرلار قۇقىعىن اياقاستى ەتكەنى ءۇشىن باتىس سانكتسياسىنا ۇشىراعان قىتاي شەنەۋنىكتەرىنىڭ ءبىرى.
