پرەزيدەنت مەكتەپتەردەگى قاۋىپسىزدىكتى كۇشەيتۋ تۋرالى ۇكىمەتكە تاپسىرما بەرگەن. وسىدان كەيىن ەلىمىزدەگى ءبىراز مەكتەپتە مامانداندىرىلعان كۇزەت ەنگىزىلىپ، كىرەبەرىستە تۋرنيكەتتەر ورناتىلدى، دەپ حابارلايدى «ادىرنا» ءتىلشىسى.
ەستەرىڭىزگە سالامىز، مەملەكەت باسشىسى ۇلتتىق قوعامدىق سەنىم كەڭەسىنىڭVI وتىرىسىندا وسى وزەكتى ماسەلەگە قايتا ورالعان ەدى.
"مەكتەپتەردە، كوللەدجدەر مەن جوو-لاردا قاۋىپسىزدىكتى ساقتاۋ وزەكتى ماسەلە بولىپ تۇر. ءبىز وقۋشىلار مەن ستۋدەنتتەردى كەز كەلگەن قاۋىپ-قاتەردەن قورعاۋعا ءتيىسپىز. ءبىلىم بەرۋ مەكەمەلەرىندەگى قاۋىپسىزدىك جۇيەسىنە بىرىڭعاي تالاپ قويىلۋى قاجەت. سول ءۇشىن بارىنە ورتاق ەرەجە ازىرلەۋ كەرەك", – دەدى قاسىم-جومارت توقاەۆ.
پرەزيدەنتتىڭ بۇل تاپسىرماسى الماتى قالاسىندا جۇيەلى تۇردە ورىندالۋدا. بۇل تۋرالى شاھار باسشىسى ەربولات دوساەۆ ايتتى.
اكىمنىڭ سوزىنە سۇيەنسەك، 2023 جىلدان باستاپ جالپى ءبىلىم بەرەتىن مەكتەپتەردە تۋرنيكەت، دابىل تۇيمەلەرى مەن بەينەباقىلاۋ جۇيەسى ورناتىلاتىن بولادى.
«مەملەكەتتىك مەكتەپتەر ءۇشىن ءۇش ەلەمەنتتى قامتيتىن باعدارلاما ازىرلەنەدى: دابىل تۇيمەسى، تۋرنيكەت جانە بەينەباقىلاۋ جۇيەسى. جەكەمەنشىك مەكتەپتەر ءوزىن-ءوزى قامتاماسىز ەتۋى كەرەك. مەملەكەتتىك مەكتەپتەر ءۇشىن باعدارلاما ۇسىنىلادى. 2023 جىلى ىسكە اسىرا باستايمىز»، - دەدى ەربولات دوساەۆ.
ايتا كەتەيىك، بۇگىنگى كۇنى قالاداعى ءبىلىم ۇيالارىنداعى قاۋىپسىزدىكتى قامتاماسىز ەتى ماقساتىندا بەينە باقىلاۋ قوندىرعىسى ورناتىلعان. قازىرگى كەزدە ءبىلىم بەرۋ نىساندارىندا 11 979 كامەرا، مەكتەپكە دەيىنگى مەكەمەلەردە 6 132 كامەرا جۇمىس ىستەپ تۇر.
