الماتى قالاسى مەدەۋ اۋدانىنىڭ سوتى «الماتى باس جوسپارى» جشس باس ديرەكتورىنىڭ ورىنباسارى س. ءومىرالىۇلى سوتتالدى. بۇل تۋرالى جەمقورلىققا قارسى قىزمەت مالىمدەدى، دەپ حابارلايدى “ادىرنا” ۇلتتىق پورتالى.
انتيكور مالىمەتىنشە، ول الاياقتىق جاساعانى جانە جەرگىلىكتى كاسىپكەردى جەر ۋچاسكەسىنىڭ نىسانالى ماقساتىن وزگەرتكەنى ءۇشىن قالالىق جەر قاتىناستارى باسقارماسىنىڭ لاۋازىمدى ادامىنا 9,6 ملن تەڭگە سوماسىندا پارا بەرۋگە يتەرمەلەگەنى ءۇشىن كىنالى دەپ تانىلعان.
“سوت ۇكىمىمەن وعان مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋ قۇقىعىنان ءومىر بويى ايىرا وتىرىپ، 3 جىل 6 اي مەرزىمگە باس بوستاندىعىنان ايىرۋ جازاسى تاعايىندالدى. سوت ۇكىمى زاڭدى كۇشىنە ەنگەن جوق” دەلىنگەن حابارالامادا.
