پرەزيدەنتىككە ۇمىتكەر مەيرام قاجىكەن قاراعاندى وبلىسىنا بارىپ، "ارسەلورميتتال" قىزمەتكەرلەرىمەن كەزدەستى، دەپ جازادى "ادىرنا" ۇلتتىق پورتالى.
ايماققا كەلۋىنە 3 قاراشادا شاحتادا ورىن العان قايعىلى وقيعا سەبەپ بولدى.
كومپانيا شاحتالارىندا قايعىلى جاعدايلاردىڭ ءجيى كەزدەسۋى ۇمىتكەردى الاڭداتادى. تەمىرتاۋدا ول "ارسەلورميتتال" قىزمەتكەرلەرىمەن كەزدەسىپ، ولاردىڭ ماسەلەلەرى مەن ۇسىنىستارىن تىڭدادى. كوپتەگەن ادامدار شاعىمداردىڭ جىلدان جىلعا قاعاز جۇزىندە قالاتىنىنا، ال بيلىك پەن باسشىلىق جۇمىسشىلاردىڭ مۇددەلەرىن قورعاۋ ءۇشىن شارالار قابىلدامايتىنىنا اشىنادى.
مەيرام قاجىكەن قازىرگى جاعدايدا جازاتايىم وقيعالاردىڭ الدىن الۋ ءۇشىن مۇمكىندىگىنشە تەزىرەك شەشىم قابىلداۋ كەرەك ەكەنىن ايتتى. ول ءبىر كەزدەرى "ارسەلورميتتالعا" تيەسىلى نەمىس كومپانيالارىنىڭ بىرىنە بارعانىن تىلگە تيەك ەتتى.
"لاكشمي ميتتال كومپانيانى العان كەزدە، ونى جاڭعىرتۋ ءۇشىن الدى. مەن ونىڭ گەرمانياداعى كاسىپورنىندا بولدىم-ول جەردە ءبارى دامىعان. ويتكەنى وندا زاڭدار قاتاڭ جانە تاۋەلسىز كاسىپوداقتار جۇمىس ىستەيدى. جالاقى تۋرالى ءتىپتى ايتۋدىڭ قاجەتى جوق. بۇل جالاقىنى ميتتال ەمەس، كومپانيا باسشىلىعىمەن كەلىسسوزدەر كەزىندە كاسىپوداقتار بەلگىلەيدى", - دەدى ول.
سوڭىندا ۇمىتكەر بوس ۋادە بەرگىسى كەلمەيتىنىن ايتتى.
"ادامداردىڭ كوزىنە قاراپ، ۋادە بەرىپ، ورىنداماعاننان كەيىن ءسىزدى قالاي قۇرمەتتەۋگە بولادى؟ بىراق مەن ىستەيمىن. بۇل ءسوزسىز", - دەپ قورىتىندىلادى ول.
"ادىرنا" ۇلتتىق پورتالى
