ەلوردادا وتكەن ءبىرىنشى ورتالىق ازيا مەديافورۋمىنىڭ «مەديا سالاسىنداعى ايەلدەر: ازاماتتىق قوعامدى دامىتۋداعى گەندەرلىك تەڭدىكتىڭ ءرولى» پانەلدىك سەسسياسىندا قر پرەزيدەنتى اكىمشىلىگى باسشىسىنىڭ ورىنباسارى ايدا بالاەۆا مەدياداعى ايەلدەردىڭ ورنى تۋرالى ايتىپ، ۇكىمەتتىك ەمەس ۇيىمدار مەن مەملەكەت اراسىنداعى بايلانىستى نىعايتۋ قاجەتتىلىگىنە توقتالدى، دەپ جازادى "ادىرنا" ۇلتتىق پورتالى.
"ۇكىمەتتىك ەمەس ۇيىمداردىڭ ميسسياسى - قوعامداعى كوكەيكەستى ماسەلەلەردى شەشۋ. قوعامدىق ۇيىمدار مەن مەملەكەتتىك ورگانداردىڭ ءوزارا تىعىز قارىم-قاتىناسى وتە ماڭىزدى. سول ارقىلى وسى قوعامداعى بارلىق ماسەلەلەر جان-جاقتى اشىلىپ، ونىڭ ەڭ باستى شەشۋ جولدارىن ىزدەيدى. مەملەكەتتىڭ دە، قوعامنىڭ دا باستى ماسەلەسى - ول ادام قۇقىقتارىن ساقتاۋ. ءار ادامعا كومەك كورسەتۋ. ءبىز تەك قانا مەديافورۋمداردا وسىنداي ماسەلەلەردى اشىپ ەمەس، شەشۋ جولدارىن ىزدەۋىمىز كەرەك. ارى قاراي شەشۋ جولدارىن بىرلەسىپ تاۋىپ، جوبا ۇيىمداستىرىپ، سول ارقىلى شەشۋىمىز قاجەت. ورتالىق ازياداعى گەندەرلىك ماسەلەلەرگە قاتىستى ءبارىن بىردەي دەسەك، ەش قاتەلەسپەيمىز. سوندىقتان بارلىق سالادا تىكەلەي اشىق ديالوگ كەرەك. قارىم-قاتىناستى نىعايتىپ، بىرلەسە جۇمىس ىستەۋىمىز كەرەك",- دەدى ايدا بالاەۆا.
"ادىرنا" ۇلتتىق پورتالى
