Prezidentıkke ümıtker Meiram Qajyken Qaraǧandy oblysyna baryp, "ArselorMittal" qyzmetkerlerımen kezdestı, dep jazady "Adyrna" ūlttyq portaly.
Aimaqqa keluıne 3 qaraşada şahtada oryn alǧan qaiǧyly oqiǧa sebep boldy.
Kompaniia şahtalarynda qaiǧyly jaǧdailardyŋ jiı kezdesuı ümıtkerdı alaŋdatady. Temırtauda ol "ArselorMittal" qyzmetkerlerımen kezdesıp, olardyŋ mäselelerı men ūsynystaryn tyŋdady. Köptegen adamdar şaǧymdardyŋ jyldan jylǧa qaǧaz jüzınde qalatynyna, al bilık pen basşylyq jūmysşylardyŋ müddelerın qorǧau üşın şaralar qabyldamaitynyna aşynady.
Meiram Qajyken qazırgı jaǧdaida jazataiym oqiǧalardyŋ aldyn alu üşın mümkındıgınşe tezırek şeşım qabyldau kerek ekenın aitty. Ol bır kezderı "Arselormittalǧa" tiesılı nemıs kompaniialarynyŋ bırıne barǧanyn tılge tiek ettı.
"Lakşmi Mittal kompaniiany alǧan kezde, ony jaŋǧyrtu üşın aldy. Men onyŋ Germaniiadaǧy käsıpornynda boldym-ol jerde bärı damyǧan. Öitkenı onda zaŋdar qataŋ jäne täuelsız käsıpodaqtar jūmys ısteidı. Jalaqy turaly tıptı aitudyŋ qajetı joq. Būl jalaqyny Mittal emes, kompaniia basşylyǧymen kelıssözder kezınde käsıpodaqtar belgıleidı", - dedı ol.Soŋynda ümıtker bos uäde bergısı kelmeitının aitty.
"Adamdardyŋ közıne qarap, uäde berıp, oryndamaǧannan keiın sızdı qalai qūrmetteuge bolady? Bıraq men ısteimın. Būl sözsız", - dep qorytyndylady ol.
"Adyrna" ūlttyq portaly
Ūqsas jaŋalyqtar
