Pýtın Reseı armııasynyń bedelin túsirip, halyqty aýmaqtyq tutastyqty buzýǵa shaqyrǵan adamdardy RF azamattyǵynan aıyrýdy usyndy, dep jazady "Adyrna" ulttyq portaly.
Pýtın kelesi sebepter boıynsha olardy azamattyqtan aıyrýdy usynyp otyr:
- armııanyń bedelin túsirý;
- qalaýsyz uıymnyń qyzmetin júzege asyrý;
- armııa týraly jalǵan aqparat taratý;
- aýmaqtyq tutastyqty buzýǵa shaqyrý;
- ekstremızmge shaqyrý;
- memleket qaıratkeriniń ómirine qol suǵý;
- qarýly kóterilisti uıymdastyrý;
- Memlekettik Eltańba men Týdy qorlaý;
- qaraqshylyq, tonaý, para alý, buzaqylyq jáne basqalary.
Aıta keteıik, zań jobasynyń birinshi oqylymy sáýirde ótken. Ol kezde memleketke qarsy aýyr qylmystar, terrorıstik qyzmet, esirtkiniń zańsyz aınalymy jáne jalǵan qujat jasaǵany úshin, sondaı-aq azamattyń óz erki boıynsha azamattyqtan aıyrý kózdeldi. Sáýir aıynda Memlekettik Dýma spıkeri Vıacheslav Volodın Reseıdiń Ýkraınadaǵy áreketterin synaıtyn reseılikterdi azamattyqtan aıyrýdy jáne elge kirýge tyıym salýdy usynǵan bolatyn.
"Adyrna" ulttyq portaly
