رەسەي ارحيۆتەرى زەرتتەۋشىلەرگە ساياسي قۋعىن-سۇرگىن قۇرباندارىنىڭ ىستەرىمەن تانىسۋعا تىيىم سالا باستادى، دەپ حابارلايدى "ادىرنا" ۇلتتىق پورتالى كوممەرسانتقا سىلتەپ.
20 ناۋرىزدا قابىلدانعان روسارحيۆتىڭ №38 بۇيرىعىندا كەيبىر ماتەريالداردى «قىزمەتتىك پايدالانۋعا ارنالعان اقپارات» ساناتىنا ەنگىزۋ ءتارتىبىن بەلگىلەنگەن.
زەرتتەۋشىلەردىڭ ايتۋىنشا، ەندى اتالعان ساناتقا جاتاتىن ادامداردىڭ ىستەرىن تەك تۋىستىق قاتىناس دالەلدەنگەن جاعدايدا عانا كورۋگە رۇقسات ەتىلۋدە. مۇنداي شەكتەۋ بۇرىن بولماعان.
سۆەردلوۆ وبلىسىنىڭ مەملەكەتتىك ارحيۆىندە جۇمىس ىستەپ جۇرگەن زەرتتەۋشى ولەگ نوۆوسەلوۆ قىركۇيەك ايىنىڭ سوڭىندا العاش رەت مۇنداي كەدەرگىگە تاپ بولعانىن ايتتى. ونىڭ سوزىنشە، ارحيۆ قىزمەتكەرلەرى روسارحيۆتەن ىستەردى بەرمەۋ تۋرالى رەسمي نۇسقاۋ العان.
الايدا «رەسەي فەدەراتسياسىنداعى ارحيۆ ءىسى تۋرالى» №125 فەدەرالدىق زاڭىنا سايكەس، جەكە ومىرگە قاتىستى قۇجاتتارعا قولجەتىمدىلىك جاسالعان كۇننەن باستاپ 75 جىل وتكەن سوڭ اشىلۋى ءتيىس. وسى مەرزىمنەن كەيىن ماتەريالداردى كەز كەلگەن ازامات زەرتتەي الادى.
ءروسارحيۆتىڭ تۇسىندىرۋىنشە، جاڭا بۇيرىق ەلدىڭ «مەملەكەتتىك مۇددەلەرىن قورعاۋ ماقساتىندا» قابىلدانعان. ۆەدومستۆو ارحيۆ قۇجاتتارىنىڭ تارالۋى «رەسەيدىڭ قاۋىپسىزدىگى مەن حالىقارالىق بەدەلىنە نۇقسان كەلتىرۋى مۇمكىن» دەپ ەسەپتەيدى.
تاريحشى الەكساندر ديۋكوۆ مۇنداي شەكتەۋدى ء«ابسوليۋتتى تەرىس قۇبىلىس» دەپ اتاپ، «ارحيۆتەردە ساقتالعان ىستەر عىلىمي تۇرعىدان اسا ماڭىزدى دەرەك كوزى بولىپ تابىلادى» دەدى.
