Búgin Memleket jáne Qoǵam qaıratkeri Zamanbek Nurqadilovtiń ómirden qaıtqan kúni

7088
Adyrna.kz Telegram

Búgin Memleket jáne Qoǵam qaıratkeri Zamanbek Qalabaıuly Nurqadilovtiń ómirden qaıtqan kúni. Saıasatker 17 jyl buryn, senbi keshinde ómirden ótti, dep habarlaıdy "Adyrna" ulttyq portaly. 

Zamanbek Qalabaıuly Nurqadilov 1944 jyly 15 qańtarda Almaty oblysy Narynqol aýdanynda dúnıege kelgen. Ol Qazaq KSR-i men Qazaqstan Respýblıkasynyń memleket jáne qoǵam qaıratkeri, saıasatker.

Zamanbek óziniń bala kezin «kedeı jáne jartylaı ash» dep aıtatyn bolǵan. Ákesi maıdanda qaıtys bolǵan Zamanbekti anasy tárbıeledi. Zamanbek Uly júz, rýy Alban bolǵan. Ol Qazaq Polıtehnıkalyq ınstıtýtty, ınjener-qurylysshy mamandaǵyn bitirgen.

Zamanbek Nurqadilov 1994 jyldyń maýsymynyń sońyna deıin sol kezdegi Qazaqstannyń bas qalasy Almaty qalasynyń 1-shi ákimi retinde qyzmet etti. 1995 - 1997 - Qazaqstan Respýblıkasy Parlamenti Májilisiniń depýtaty boldy. Keıinnen Almaty oblysynyń ákimi bolyp, Qazaqstan Respýblıkasy Tótenshe jaǵdaılar agenttiginiń tóraǵasy retinde qyzmet atqardy.Ómiriniń sońǵy jyldary oppozıııanyń is-áreketine aralasty.

2005 jyldyń 12 qarashasynda Zamanbek Nurqadilov óz úıinde óli tabyldy. Onyń denesine úsh birdeı oq tıgeni anyqtaldy. Eki oq keýdesine, bireýi basyna tıgen. Bolǵan oqıǵanyń resmı nusqasy boıynsha óz-ózine qol jumsaǵan dep tanyldy. Kóp qazaqstandyq úshin saıasatkerdiń ólimi jumbaq kúıinde qaldy. Z. Nurqadilov Almatydaǵy "Keńsaı" zıratyna jerlengen.

"Adyrna" ulttyq portaly

 

 

 

 

 

 

Pikirler