الماتىدا زاڭسىز عيمارات بۇزىلدى، - دەپ حابارلايدى "ادىرنا" ۇلتتىق پورتالى قالا اكىمدىگىنىڭ ءباسپاسوز قىزمەتىنە سىلتەمە كورسەتە وتىرىپ.
الماتى قالاسى قالا قۇرىلىسىن باقىلاۋ باسقارماسى بوگەنباي باتىر كوشەسى بويىنداعى 24-ءۇي ءتورت قاباتتى عيمارات زاڭسىز تۇرعىزىلعانىن حابارلادى.
باسقارمانىڭ تالابى بويىنشا تۇرعىن ەمەس ءۇي-جايلار جونىندەگى سوت پروتسەستەرى ۇزاق ۋاقىتقا سوزىلدى. 2022 جىلعى 17 قاڭتاردا مەدەۋ اۋداندىق سوتى ءوز بەتىنشە سالىنعان قۇرىلىستى بۇزۋ تۋرالى قاۋلى شىعاردى، الايدا كەيىن اپەللياتسيالىق شاعىمدار الماتى قالالىق سوتىندا جانە قر جوعارعى سوتىندا قارالدى.
2022 جىلعى 30 قاراشادا جوعارعى سوت ءبىرىنشى ساتىداعى سوت پەن الماتى قالالىق سوتىنىڭ قاۋلىلارىن وزگەرىسسىز قالدىردى، سودان كەيىن قاۋلى قالانىڭ ادىلەت دەپارتامەنتىنىڭ وندىرىسىنە ءتۇستى. بۇگىن سوت ورىنداۋشىلارىمەن بىرگە عيماراتتى بۇزۋ باستالدى.
"ادىرنا" ۇلتتىق پورتالى
