تۇركىستان وڭىرىندە سان جىلدار شاكىرت تاربيەلەپ، حالىقتىڭ ىستىق ىقىلاسىنا بولەنگەن ۇستاز ءلاززات ديناشەۆا تۇركىستان كوشەسىنىڭ جانتۇرشىگەرلىك سيقىن سۋرەتتەپ، اكىمگە رەنىش ءبىلدىردى. اۆتور كوڭىلى تولماعان كوپ كىلتيپاننىڭ ءبىرىن ءوز پاراقشاسىندا جاريالادى، دەپ حابارلايدى "ادىرنا" ۇلتتىق پورتالى.
- ەل باسقارىپ وتىرعان اكىم، شەنەۋنيكتەردىڭ ەڭبەگىنە باعانى حالىق، تاريح بەرەدى! قىزمەتتە وتىرعاندا جار سالىپ ماقتاۋدىڭ نە قاجەتى بار؟ قازىر ول ەشكىمگە دە ۇنامايدى-اۋ. سۋرەتتە: تۇركىستاننىڭ قاق ورتاسىنداعى اۋەس-اپا كوشەسىنىڭ بۇگىنگى سيقى، - دەپ جازدى ۇستاز.
سۋرەتتەن لاي-باتپاققا اينالعان اۋەس-اپا كوشەسىن بايقاۋعا بولادى. تولارساقتان ساز كەشىپ، ارى-بەرى قاتىناعان تۇرعىندار بۇعان نارازى.
"دۇرىس ايتاسىڭ. تۇركىستانداعى كوشەلەردىڭ سيقى وسىنداي بولىپ تۇر عوي قازىر. توسەگەن اسفالتتارىن تەكسەرۋدىڭ قاجەتى جوق. ءبىر جاڭبىردان كەيىن ناتيجەسى تايعا تاڭبا باسقانداي كورىنىپ تۇرادى", "نازارعا الىندى" دەپ جازدى ولار.
ءلاززات ديناشەۆانىڭ وقىرمانى حالىق جازۋشىسى عابيت مۇسىرەپوۆتىڭ دانالىق ءسوزىن مىسالعا كەلتىرىپ، كوپشىلىكتىڭ ويىنا قوزعاۋ سالدى.
"سايلاناردا بەرمەيتىن ۋادەلەرى جوق. سايلانىپ العان سوڭ اسپاندا قۇداي بارىن، ەل-جۇرت الدىندا ابىروي – ۇيات بارىن ۇمىتىپ كەتەدى. اۆتورى - عابيت مۇسىرەپوۆ" دەپ جازدى قاسىم قازانعاپ.
"ادىرنا" ۇلتتىق پورتالى
