قازاقتاردىڭ ءوز انا ءتىلىن قىزعىشتاي قوريتىنىنا سۇقتانامىن! - قىرعىز بالاسى

4053
Adyrna.kz Telegram

ۇلتتىق اقپارات كەڭىستىگىندە قىرعىز بالاسىنىڭ قازاقتاردىڭ ءوز انا ءتىلىن ءسۇيۋى مەن ايالاۋىنا قاتىستى ايتقان پىكىرى تارادى. باۋىرلاس ۇلتتىڭ بالاسى الاش ەلىنىڭ ءتىل تازالىعىن ساقتاۋعا دەگەن ايرىقشا ىقىلاسىنا تاڭدانادى. بۇل جايلى "ادىرنا" ۇلتتىق پورتالى جازدى. 

"شىنىمدى ايتسام، مەن قازاقتارعا قىزىعامىن. ولار ءوز ءتىلىن قۇرمەتتەيدى، ايالايدى. ولار قاراپايىم قولدانىستا ورىسشا سوزدەردى از قولدانۋعا تىرىسادى. ويتكەنى، ولاردىڭ تىلىندەگى ورىس سوزدەردىڭ ساۋاتتى اۋدارمالارى بار" - دەيدى.

كەيىننەن ۆيدەو اۆتورى قازاقتىڭ ۇلتتىق دۇنيەتانىمىنا ساي اۋدارىلعان "عارىش", "تولقۇجات", "مۇراعات", "ۇنەم" سەكىلدى سوزدەرگە توقتالادى. قازاق ءتىلىن قورعايتىن ارنايى ءتىل كوميتەتىنىڭ بار ەكەندىگىن حابارلايدى.

ورايى كەلگەندە ايتا كەتۋ كەرەك، انا ءتىلىمىزدىڭ قۇنارىن بايىتىپ، تىلىمىزگە جاڭا "بالمۇزداق", "ايالداما", "جانكۇيەر", "باسپانا" سىندى تەڭدەسسىز سوزدەردى قوسقان عالىمدى ءبىرى بىلسە، ءبىرى بىلە بەرمەيدى. ول قازاقتىڭ ىرگەلى عالىمى ءىسلام جارىلعاپوۆ ەدى.

قىرعىز پەرزەنتىنىڭ بەينەدەرەگىنە قاتىستى پىكىر ءبىلدىرىپ جاتقانداردىڭ قاراسى قالىڭ. وقىرماندار بۇعان قاتىستى:

"بىرەۋدىكى بىرەۋگە قىزداي" دەگەندەي بولدى عوي. ءبىز دە جەتىسىپ وتىرماعاندىقتان ارامىزدا ءتىل ءۇشىن كۇرەس ءجۇرىپ جاتىر، اينالايىن. دەگەنمەن، كىپ-كىشكەنتاي بولىپ ءتىلىڭ ءۇشىن ويلانىپ-تولعانعانىڭ جاقسى ەكەن! ازاماتسىڭ!",  "بىشكەككە باردىم. اۆتوبۋستاعىلار قازاق ەكەنىمدى ءبىلىپ، جاپا-تارماعاي تانىسىپ جاتىر. “سىزدەردە ورىسشا سويلەگەن ادامدى جاقتىرمايدى ەكەن. ۇيعىرلاردىڭ تويىنا باردىم، ۇيعىر بالالاردىڭ ءوزى قازاقشا سويلەپ ءجۇردى” دەدى ءبىر قاراتورى ايەل. ءسىز قاي قازاقستاندى ايتىپ تۇرسىز دەدىم. ۇندەمەدى…",  ء"تۇپتىڭ تۇبىندە، ءبارىبىر قازاق ءتىلى - الەم تىلىنە اينالادى! قازاق ءتىلىن ەشكىم بۇكپەلەي المايدى! اللانىڭ ءتىلى - اراب بولسا، ءتاڭىردىڭ ءتىلى  - قازاق!", "بىزدە ءالى كۇرەس ءجۇرىپ جاتىر ءتىل ءۇشىن. بيلىك قانشا رەت  ءتىلىمىزدى ورىسقا جىعىپ بەرىپ جاتىر. سوندادا ءالى ءۇمىت بار. كۇرەس جالعاسۋدا. ءتۇبى جەڭەرمىز دەپ ۇمىتتەنەم" دەپ جازدى.

"ادىرنا" ۇلتتىق پورتالى
پىكىرلەر