Ulttyq aqparat keńistiginde qyrǵyz balasynyń qazaqtardyń óz ana tilin súıýi men aıalaýyna qatysty aıtqan pikiri tarady. Baýyrlas ulttyń balasy alash eliniń til tazalyǵyn saqtaýǵa degen aıryqsha yqylasyna tańdanady. Bul jaıly "Adyrna" ulttyq portaly jazdy.
"Shynymdy aıtsam, men qazaqtarǵa qyzyǵamyn. Olar óz tilin qurmetteıdi, aıalaıdy. Olar qarapaıym qoldanysta oryssha sózderdi az qoldanýǵa tyrysady. Óıtkeni, olardyń tilindegi orys sózderdiń saýatty aýdarmalary bar" - deıdi.
Keıinnen vıdeo avtory qazaqtyń ulttyq dúnıetanymyna saı aýdarylǵan "ǵarysh", "tólqujat", "muraǵat", "únem" sekildi sózderge toqtalady. Qazaq tilin qorǵaıtyn arnaıy til komıtetiniń bar ekendigin habarlaıdy.
View this post on Instagram
Oraıy kelgende aıta ketý kerek, ana tilimizdiń qunaryn baıytyp, tilimizge jańa "balmuzdaq", "aıaldama", "jankúıer", "baspana" syndy teńdessiz sózderdi qosqan ǵalymdy biri bilse, biri bile bermeıdi. Ol qazaqtyń irgeli ǵalymy Islám Jarylǵapov edi.
Qyrǵyz perzentiniń beınederegine qatysty pikir bildirip jatqandardyń qarasy qalyń. Oqyrmandar buǵan qatysty:
"Bireýdiki bireýge qyzdaı" degendeı boldy ǵoı. Biz de jetisip otyrmaǵandyqtan aramyzda til úshin kúres júrip jatyr, aınalaıyn. Degenmen, kip-kishkentaı bolyp tiliń úshin oılanyp-tolǵanǵanyń jaqsy eken! Azamatsyń!", "Bishkekke bardym. Avtobýstaǵylar qazaq ekenimdi bilip, japa-tarmaǵaı tanysyp jatyr. “Sizderde oryssha sóılegen adamdy jaqtyrmaıdy eken. Uıǵyrlardyń toıyna bardym, Uıǵyr balalardyń ózi qazaqsha sóılep júrdi” dedi bir qaratory áıel. Siz qaı Qazaqstandy aıtyp tursyz dedim. Úndemedi…", "Túptiń túbinde, báribir Qazaq tili - álem tiline aınalady! Qazaq tilin eshkim búkpeleı almaıdy! Allanyń tili - Arab bolsa, Táńirdiń tili - Qazaq!", "Bizde áli kúres júrip jatyr til úshin. Bılik qansha ret tilimizdi orysqa jyǵyp berip jatyr. Sondada áli úmit bar. Kúres jalǵasýda. Túbi jeńermiz dep úmittenem" dep jazdy.
