جۋرناليستەر قۇراماسى گرۋزيادا چەمپيون اتاندى

3280
Adyrna.kz Telegram

گرۋزيا استاناسى تبيليسي قالاسىندا كوتە ماحارادزەءنى ەسكە الۋعا ارنالعان شاعىن فۋتبولدان تۋرنير ءوتتى. اتالعان حالىقارالىق جارىسقا قازاقستان اتىنان جۋرناليستەردەن قۇرالعان ەكى كوماندا قاتىستى. ءبىرى استانانىڭ، ەندى ءبىرى الماتىنىڭ نامىسىن قورعادى.

ا توبىندا نۇرسۇلتان قۇرمان باستاعان قازاقستان قۇراماسى ءساتتى ونەر كورسەتىپ، ءوز توبىنان ءبىرىنشى ورىنمەن شىقتى. ارتىنشا پلەي-وفف كەزەڭىندە دە سۇرىنبەي فينالعا بىراق شاقتى. شەشۋشى ماتچتا ويىن سوڭىنداعى پەنالتيدەن گرۋزيا قۇراماسىنان باسىم ءتۇسىپ، چەمپيون اتاندى.

ب توبىندا ويناعان قازاقستاننىڭ ەكىنشى قۇراماسى توپتان شىعا المادى.

جارىس قورىتىندىسى بويىنشا ۇزدىك قاقپاشى ماراپاتىن جۋرناليست ايبەك قابىلشا جەڭءىپ الدى. ال ءتۋرنيردىڭ ۇزدىك ويىنشىسى بولىپ قازاقستاندىق سەرگەي نادتوچەي تانىلدى. ۇزدىك شابۋىلشى نوميناتسياسى نازار نايزابەككە بۇيىردى.

ماراپاتتاۋ بارىسىندا قازاقستان تاراپى جارىستا ۇزدىك ونەر كورسەتكەن ازەربايجان قۇراماسىنىڭ ويىنشىسىنا امانگەلدى سەيتحان اتىنداعى ارنايى ماراپاتتى تابىستادى.

الداعى ۋاقىتتا ءدال وسىنداي حالىقارالىق تۋرنير قازاقستاندا وتەدى دەپ جوسپارلانعان.

”ادىرنا” ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket