Jýrnalıster quramasy Grýzııada chempıon atandy

4609
Adyrna.kz Telegram

Grýzııa astanasy Tbılısı qalasynda Kote Maharadzeni eske alýǵa arnalǵan shaǵyn fýtboldan týrnır ótti. Atalǵan halyqaralyq jarysqa Qazaqstan atynan jýrnalısterden quralǵan eki komanda qatysty. Biri Astananyń, endi biri Almatynyń namysyn qorǵady.

A tobynda Nursultan Qurman bastaǵan Qazaqstan quramasy sátti óner kórsetip, óz tobynan birinshi orynmen shyqty. Artynsha pleı-off kezeńinde de súrinbeı fınalǵa biraq shaqty. Sheshýshi matchta oıyn sońyndaǵy penaltıden Grýzııa quramasynan basym túsip, chempıon atandy.

B tobynda oınaǵan Qazaqstannyń ekinshi quramasy toptan shyǵa almady.

Jarys qorytyndysy boıynsha úzdik qaqpashy marapatyn jýrnalıst Aıbek Qabylsha jeńip aldy. Al týrnırdiń úzdik oıynshysy bolyp qazaqstandyq Sergeı Nadtocheı tanyldy. Úzdik shabýylshy nomınaııasy Nazar Naızabekke buıyrdy.

Marapattaý barysynda Qazaqstan tarapy jarysta úzdik óner kórsetken Ázerbaıjan quramasynyń oıynshysyna Amangeldi Seıthan atyndaǵy arnaıy marapatty tabystady.

Aldaǵy ýaqytta dál osyndaı halyqaralyq týrnır Qazaqstanda ótedi dep josparlanǵan.

”Adyrna” ulttyq portaly

Pikirler