جۋرناليست گۇلبانۋ ابەنوۆا «ۇناماسا كوشىپ كەت» دەيتىن قورعانىس مينيسترىمىزگە شاعىم حات جولدادى. حاتىندا ولگا شيشيگينانى شوۆينيستىك ارەكەتتەر جاساۋدا دەپ ايىپتايدى. شيشيگينا «ەتنيكالىق وركوكىرەكتىك تانىتىپ، باسشىلىققا تەك سلاۆيان وكىلدەرىنىڭ تاعايىنداعان». بۇل جايلى "ادىرنا" ۇلتتىق پورتالى "Abai.kz" cىلتەمە كورسەتە وتىرىپ حابارلايدى.
قورعانىس ءمينيسترى رۋسلان جاقسىلىقوۆ ولگا شيشيگينانى قم سپورت كوميتەتى كلۋبىنىڭ توراعاسى ەتىپ تاعايىنداعان.
جۋرناليست ولگا شيشيگينا كەلگەن سوڭ، جۇمىستان قۋىلعان قىزمەتكەردىڭ مالىمدەمەسىن Facebook پاراقشاسىنا جاريالادى.
"سىزگە قر قورعانىس مينيسترلىگى ورتالىق سپورت كلۋبىنىڭ سپورت كوميتەتى ۇجىمىنىڭ اتىنان جۇگىنىپ وتىرمىن. مەن وسى ۇيىمدا اسكەري قىزمەتكەر بولىپ ىستەدىم. ول كەزدە ۇجىم تاتۋ، ورتا جاعىمدى بولاتىن. بىراق، ۇيىمنىڭ بۇگىنگى كۇيى مەنى الاڭداتىپ وتىر. ولگا شيشيگينا باسشىلىققا كەلگەلى ۇجىمنىڭ جاعدايى ناشارلادى. بۇل مەنىڭ بۇرىنعى وفيتسەرلەرىم مەن سەرجانتتارىما جاعىمسىز اسەر ەتۋدە. ول كەلگەن سوڭ، مەن جۇمىستان شىقتىم، دالىرەك ايتقاندا شىعارىپ جىبەردى. ول كەزدە مەن ازاماتتىق قىزمەتكەر ەدىم، بارلىق شاقىرۋ قۇجاتتارى دايىن بولعانىنا قاراماستان، ولار مەنى شاقىرۋدان باس تارتتى.
ول تاعايىندالعاننان كەيىن ۇجىمدا تەك سلاۆيان ۇلتىنان تۇراتىن ەليتا قۇرىلدى. ەتنيكالىق تاكاپپارلىق ءوستى. اسكەريلەردى جارعىنىڭ نە ەكەنىن بىلمەيتىن ازاماتتىق قىزمەتكەرلەر باسقارا باستادى. ۇلتتىق اسكەري قىزمەتشىلەرگە، ساربازدار مەن سەرجانتتارعا، وفيتسەرلەرگە، پولكوۆنيكتەرگە جانە پودپولكوۆنيكتەرگە دەگەن كوزقاراس وتە كۇرت وزگەردى.
مەن ەتنوسارالىق قاقتىعىستارعا قارسىمىن، بىراق سپورت كوميتەتىندە بولىپ جاتقان وقيعالار ەتنيكالىق ءتارتىپتى بۇزىپ جاتىر. بۇل مەنى قاتتى الاڭداتادى.
مىسالى، ولگا شيشيگينا تاعايىندالعان ساتتەن باستاپ ازاروۆا تاتيانا باس باپكەر لاۋازىمىنا ازاماتتىق قىزمەتكە قابىلداندى. سودان باستاپ ولگا شيشيگينانىڭ كەڭسەسىنەن شىقپايتىن بولدى.
ونىڭ قارۋلى كۇشتەردە تاجىريبەسى جوق، سوعان قاراماستان سپورت كوميتەتىنىڭ شتاتتىق قۇرىلىمىن ازىرلەيدى، ونىڭ قىزمەتىنە جاتپايتىن جۇمىسقا: كادرلىق، قارجىلىق، اقىلى قىزمەتتەر، ساتىپ الۋ، ماتەريالدىق-تەحنيكالىق قامتاماسىز ەتۋ، كومانديردىڭ ساياسي-اعارتۋ جانە تاربيە جۇمىسىنا ارالاسادى. بارلىق ءىسساپارلار سونىمەن كەلىسىلەتىن بولدى.
ولگا شيشيگينانىڭ بەيرەسمي ءبىرىنشى ورىنباسارى بولىپ العان ول، سپورت كوميتەتىندە بولىپ جاتقان بارلىق ىسكە اسەرىن تيگىزىپ وتىر", - دەلىنگەن جازبادا.
اسكەري قىزمەتكەر، سونىمەن قاتار، شيشيگينانىڭ شەكتەن شىققان ارەكەتى جايلى ءسوز ەتەدى.
شيشيگينا سلاۆيان ۇلتىنا جاتپايتىن اسكەري قىزمەتشىلەرگە دورەكى سويلەپ، تومەندەتەدى. بۇل – ءشوۆينيزمنىڭ ايقىن بەلگىلەرى. شتاب باستىعىنىڭ ءبىرىنشى ورىنباسارى ونىڭ اديۋتانتى سياقتى ەرىپ جۇرەدى. شيشيگينا كەلگەننەن كەيىن جۇمىسقا تەك سلاۆيان ۇلتىنان شىققان قىزمەتكەرلەر مەن اسكەري قىزمەتشىلەر قابىلداندى. ىشتەگى نەگىزگى لاۋازىمدارعا دا ۇلتتىق وزگەشەلىگى بويىنشا تاعايىندالادى.
تولىق جۇمىس كۇنىنە قابىلدانعان كوپتەگەن قىزمەتكەرلەر جۇمىستا وتىرمايدى. ولاردىڭ باسقا جەردە نەگىزگى قىزمەتتەرى بار. بۇل – ەڭبەك كودەكسىنە قايشى ارەكەت. مىسالى، ت.ازاروۆا حانىم، پ. ستەپانەنكو ت.ب. باسقا جەردە نەگىزگى جۇمىستارى بار. بىراق مۇنداعى جۇمىس كەستەسى بويىنشا ولار سەگىزگە دەيىن جۇمىستا وتىرۋى كەرەك.
ورتالىق سپورت كلۋبىنىڭ جاڭا شتاتتىق قۇرىلىمىن جوسپارلاۋ ءار ءتۇرلى باعىتتار بويىنشا توراعانىڭ ورىنباسارلارىمەن جانە ءبولىم باستىقتارىمەن تالقىلانعان جوق.
الدىن الا 50-گە جۋىق «كەرەك ەمەس» ادامنىڭ ءتىزىمى جاسالدى، نەگىزىنەن جەرگىلىكتى ۇلتتىڭ وفيتسەرلەرى مەن سەرجانتتارى (قازاقتار) جۇمىسسىز قالماق. ولار وتىرىستارىنا ورىنباسارلار مەن ءبولىم باستىقتارىن قاتىستىرمايدى. بوكس، دزيۋدو، سامبو، قويان-قولتىق جەكپە-جەك، كۇرەس جانە ت.ب. سپورت تۇرلەرىنەن جوعارى جەتىستىكتەرگە جەتكەن سپورتشىلار قىسقارتۋعا ۇشىراپ جاتىر. مۇنداي سپورت تۇرلەرىنەن ناتيجە كورسەتەتىن نەگىزىنەن ءوزىمىزدىڭ جەرگىلىكتى جىگىتتەر ەكەنىن بىلەسىزدەر.
ۇجىمداعى جاعداي ابدەن شيەلەنىسكەن. اسكەري قىزمەتشىلەر جۇمىس ورنىنان ايىرىلماۋ ءۇشىن نارازىلىقتارىن كورسەتپەي وتىر. ولگا شيشيگينانىڭ وليمپيادا چەمپيونى رەتىندەگى بەدەلى مەن مينيسترمەن جاقسى قارىم-قاتىناسىن كورىپ وتىرعان اسكەري قىزمەتشىلەر ونىمەن سوزگە كەلگىسى كەلمەيدى. ول مينيسترمەن جاقسى قارىم-قاتىناسىن پايدالانىپ، اسكەري قىزمەتشىلەردى شتاتتىق ءىس-شارا بويىنشا جۇمىستان شىعارىپ جىبەرەتىنىن ايتىپ، اشىقتان-اشىق قورقىتادى...
فارحاد تاپالوۆ كوز الدىندا بولىپ جاتقان باسسىزدىققا شىدامايتىنىن ايتىپ، قۇزىرلى ورعاندارعا ۇندەۋ جولدادى.
...مەن ۇلتشىل ەمەسپىن، بىراق بولىپ جاتقان مىنا شارۋا مەنىڭ نامىسىما قاتتى تيەدى. مەن ءوز ۇلتىمدى، ءوز ءتىلىمدى سىيلايمىن جانە سىيلاتامىن. بۇنداي بىلىققا جول بەرمەيمىن. شىدامنىڭ دا شەگى بار. ەگەر ول وسىلاي جالعاسا بەرسە، ۇلكەن نارازىلىقتار مەن تارتىپسىزدىكتەرگە اكەلۋى مۇمكىن. قۇرام جارىلۋعا شاق قالىپ وتىر.
جاقىندا ەل پرەزيدەنتى قاسىم-جومارت توقاەۆ ءوز سوزىندە «ەتنيكالىق تاكاپپارلىقتىڭ، كەمسىتۋشىلىكتىڭ جانە ەتنوسارالىق قاقتىعىستىڭ كەز كەلگەن كورىنىستەرىن ەشكىمگە قاراماي قاتاڭ تۇردە جولىن جابۋ كەرەك» ەكەنىن اتاپ ءوتتى.
وسىعان بايلانىستى قر قم ارميانىڭ ورتالىق سپورت كلۋبى ۇجىمى پرەزيدەنتكە جانە باس پروكۋراتۋراعا ۇندەۋ جولدادى. سىزدەردەن سپورت كوميتەتىندەگى شوۆينيزم، ۇلتىنا قاراي قۋدالاۋعا ۇشىراتۋ سالدارىنان ۇلتتىق قاقتىعىستىڭ الدىن-الۋدى سۇراپ، ۇندەۋىمىزدى جاريالاۋدى سۇرايمىز.
قر قم ارميانىڭ ورتالىق سپورت كلۋبى ۇجىمى اتىنان كومەك سۇرايمىن.
قۇرمەتپەن، فارحات تاپالوۆ»، - دەپ جازىلعان ۇندەۋدە.
ۇندەۋدىڭ سوڭىندا اشىنعان جۋرناليست گۇلبانۋ ابەنوۆا:
"بۇل ولگا حانىم قازاقتىڭ اتىنان وليمپيادا چەمپيونى اتاندى. قازاقتىڭ نانىن جەپ، سۋىن ءىشتى. وليمپيادانىڭ جۇلدەسىنەن بولەك، قازاقتىڭ دا قوماقتى قارجىسىن قالتاعا سالدى. پارلامەنتتە تاپجىلماي ۇزاق جىل وتىردى. ەندىگى ءىسى مىناۋ بولسا، سۇمدىق... اق-قاراسىن قۇزىرلى مينيسترلىك انىقتاۋ كەرەك! مينيسترلىكتەن جاۋاپ كۇتەمىز..."- دەپ كەسىپ ايتتى.
"ادىرنا" ۇلتتىق پورتالى
