Jurnalist Gülbanu Äbenova «Ūnamasa köşıp ket» deitın Qorǧanys ministrımızge şaǧym hat joldady. Hatynda Olga Şişiginany şovinistık äreketter jasauda dep aiyptaidy. Şişigina «etnikalyq örkökırektık tanytyp, basşylyqqa tek slavian ökılderınıŋ taǧaiyndaǧan». Būl jaily "Adyrna" ūlttyq portaly "Abai.kz" cılteme körsete otyryp habarlaidy.
Qorǧanys ministrı Ruslan Jaqsylyqov Olga Şişiginany QM sport komitetı klubynyŋ töraǧasy etıp taǧaiyndaǧan.
Jurnalist Olga Şişigina kelgen soŋ, jūmystan quylǧan qyzmetkerdıŋ mälımdemesın Facebook paraqşasyna jariialady.
"Sızge QR Qorǧanys ministrlıgı ortalyq sport klubynyŋ sport komitetı ūjymynyŋ atynan jügınıp otyrmyn. Men osy ūiymda äskeri qyzmetker bolyp ıstedım. Ol kezde ūjym tatu, orta jaǧymdy bolatyn. Bıraq, ūiymnyŋ bügıngı küiı menı alaŋdatyp otyr. Olga Şişigina basşylyqqa kelgelı ūjymnyŋ jaǧdaiy naşarlady. Būl menıŋ būrynǧy ofiserlerım men serjanttaryma jaǧymsyz äser etude. Ol kelgen soŋ, men jūmystan şyqtym, dälırek aitqanda şyǧaryp jıberdı. Ol kezde men azamattyq qyzmetker edım, barlyq şaqyru qūjattary daiyn bolǧanyna qaramastan, olar menı şaqyrudan bas tartty. Ol taǧaiyndalǧannan keiın ūjymda tek slavian ūltynan tūratyn elita qūryldy. Etnikalyq täkapparlyq östı. Äskerilerdı Jarǧynyŋ ne ekenın bılmeitın azamattyq qyzmetkerler basqara bastady. Ūlttyq äskeri qyzmetşılerge, sarbazdar men serjanttarǧa, ofiserlerge, polkovnikterge jäne podpolkovnikterge degen közqaras öte kürt özgerdı. Men etnosaralyq qaqtyǧystarǧa qarsymyn, bıraq sport komitetınde bolyp jatqan oqiǧalar etnikalyq tärtıptı būzyp jatyr. Būl menı qatty alaŋdatady. Mysaly, Olga Şişigina taǧaiyndalǧan sätten bastap Azarova Tatiana bas bapker lauazymyna azamattyq qyzmetke qabyldandy. Sodan bastap Olga Şişiginanyŋ keŋsesınen şyqpaityn boldy. Onyŋ Qaruly Küşterde täjıribesı joq, soǧan qaramastan Sport komitetınıŋ ştattyq qūrylymyn äzırleidı, onyŋ qyzmetıne jatpaityn jūmysqa: kadrlyq, qarjylyq, aqyly qyzmetter, satyp alu, materialdyq-tehnikalyq qamtamasyz etu, komandirdıŋ saiasi-aǧartu jäne tärbie jūmysyna aralasady. Barlyq ıssaparlar sonymen kelısıletın boldy. Olga Şişiginanyŋ beiresmi bırınşı orynbasary bolyp alǧan ol, sport komitetınde bolyp jatqan barlyq ıske äserın tigızıp otyr", - delıngen jazbada.Äskeri qyzmetker, sonymen qatar, Şişiginanyŋ şekten şyqqan äreketı jaily söz etedı.
Şişigina slavian ūltyna jatpaityn äskeri qyzmetşılerge dörekı söilep, tömendetedı. Būl – şovinizmnıŋ aiqyn belgılerı. Ştab bastyǧynyŋ bırınşı orynbasary onyŋ adiutanty siiaqty erıp jüredı. Şişigina kelgennen keiın jūmysqa tek slavian ūltynan şyqqan qyzmetkerler men äskeri qyzmetşıler qabyldandy. Iştegı negızgı lauazymdarǧa da ūlttyq özgeşelıgı boiynşa taǧaiyndalady. Tolyq jūmys künıne qabyldanǧan köptegen qyzmetkerler jūmysta otyrmaidy. Olardyŋ basqa jerde negızgı qyzmetterı bar. Būl – Eŋbek kodeksıne qaişy äreket. Mysaly, T.Azarova hanym, P. Stepanenko t.b. basqa jerde negızgı jūmystary bar. Bıraq mūndaǧy jūmys kestesı boiynşa olar segızge deiın jūmysta otyruy kerek. Ortalyq sport klubynyŋ jaŋa ştattyq qūrylymyn josparlau är türlı baǧyttar boiynşa töraǧanyŋ orynbasarlarymen jäne bölım bastyqtarymen talqylanǧan joq. Aldyn ala 50-ge juyq «kerek emes» adamnyŋ tızımı jasaldy, negızınen jergılıktı ūlttyŋ ofiserlerı men serjanttary (qazaqtar) jūmyssyz qalmaq. Olar otyrystaryna orynbasarlar men bölım bastyqtaryn qatystyrmaidy. Boks, dziudo, sambo, qoian-qoltyq jekpe-jek, küres jäne t.b. sport türlerınen joǧary jetıstıkterge jetken sportşylar qysqartuǧa ūşyrap jatyr. Mūndai sport türlerınen nätije körsetetın negızınen özımızdıŋ jergılıktı jıgıtter ekenın bılesızder.
Ūjymdaǧy jaǧdai äbden şielenısken. Äskeri qyzmetşıler jūmys ornynan aiyrylmau üşın narazylyqtaryn körsetpei otyr. Olga Şişiginanyŋ olimpiada chempiony retındegı bedelı men ministrmen jaqsy qarym-qatynasyn körıp otyrǧan äskeri qyzmetşıler onymen sözge kelgısı kelmeidı. Ol ministrmen jaqsy qarym-qatynasyn paidalanyp, äskeri qyzmetşılerdı ştattyq ıs-şara boiynşa jūmystan şyǧaryp jıberetının aityp, aşyqtan-aşyq qorqytady...Farhad Tapalov köz aldynda bolyp jatqan bassyzdyqqa şydamaitynyn aityp, qūzyrly orǧandarǧa ündeu joldady.
...Men ūltşyl emespın, bıraq bolyp jatqan myna şarua menıŋ namysyma qatty tiedı. Men öz ūltymdy, öz tılımdı syilaimyn jäne syilatamyn. Būndai bylyqqa jol bermeimın. Şydamnyŋ da şegı bar. Eger ol osylai jalǧasa berse, ülken narazylyqtar men tärtıpsızdıkterge äkeluı mümkın. Qūram jaryluǧa şaq qalyp otyr. Jaqynda el prezidentı Qasym-Jomart Toqaev öz sözınde «etnikalyq täkapparlyqtyŋ, kemsıtuşılıktıŋ jäne etnosaralyq qaqtyǧystyŋ kez kelgen körınısterın eşkımge qaramai qataŋ türde jolyn jabu kerek» ekenın atap öttı. Osyǧan bailanysty QR QM Armiianyŋ ortalyq sport kluby ūjymy prezidentke jäne Bas prokuraturaǧa ündeu joldady. Sızderden sport komitetındegı şovinizm, ūltyna qarai qudalauǧa ūşyratu saldarynan ūlttyq qaqtyǧystyŋ aldyn-aludy sūrap, ündeuımızdı jariialaudy sūraimyz. QR QM Armiianyŋ ortalyq sport kluby ūjymy atynan kömek sūraimyn. Qūrmetpen, Farhat Tapalov», - dep jazylǧan ündeude.Ündeudıŋ soŋynda aşynǧan jurnalist Gülbanu Äbenova:
"Būl Olga hanym qazaqtyŋ atynan Olimpiada chempiony atandy. Qazaqtyŋ nanyn jep, suyn ıştı. Olimpiadanyŋ jüldesınen bölek, qazaqtyŋ da qomaqty qarjysyn qaltaǧa saldy. Parlamentte tapjylmai ūzaq jyl otyrdy. Endıgı ısı mynau bolsa, sūmdyq... Aq-qarasyn qūzyrly ministrlık anyqtau kerek! Ministrlıkten jauap kütemız..."- dep kesıp aitty."Adyrna" ūlttyq portaly
Ūqsas jaŋalyqtar
Ruslan Jaqsylyqov
Qazaqstan
qorǧanys ministrlıgı
faşizm
orystar
separatizm
olga şişigina
etnikalyq alalau
