Shıshıgına slavıandaryn qoldap, qazaqty qorlap, shekten shyǵyp jatyr - Farhat Tapalov

5696
Adyrna.kz Telegram

Jýrnalıst Gúlbaný Ábenova «Unamasa kóship ket» deıtin Qorǵanys mınıstrimizge shaǵym hat joldady. Hatynda Olga Shıshıgınany shovınıstik áreketter jasaýda dep aıyptaıdy. Shıshıgına «etnıkalyq órkókirektik tanytyp, basshylyqqa tek slavıan ókilderiniń taǵaıyndaǵan». Bul jaıly "Adyrna" ulttyq portaly "Abai.kz" cilteme kórsete otyryp habarlaıdy. 

Qorǵanys mınıstri Rýslan Jaqsylyqov Olga Shıshıgınany  QM sport komıteti klýbynyń tóraǵasy etip taǵaıyndaǵan.

Jýrnalıst Olga Shıshıgına kelgen soń, jumystan qýylǵan qyzmetkerdiń málimdemesin Facebook paraqshasyna jarııalady.

"Sizge QR Qorǵanys mınıstrligi ortalyq sport klýbynyń sport komıteti ujymynyń atynan júginip otyrmyn. Men osy uıymda áskerı qyzmetker bolyp istedim. Ol kezde ujym tatý, orta jaǵymdy bolatyn. Biraq, uıymnyń búgingi kúıi meni alańdatyp otyr. Olga Shıshıgına  basshylyqqa kelgeli ujymnyń jaǵdaıy nasharlady. Bul meniń burynǵy ofıerlerim men serjanttaryma jaǵymsyz áser etýde. Ol kelgen soń, men jumystan shyqtym, dálirek aıtqanda shyǵaryp jiberdi. Ol kezde men azamattyq qyzmetker edim, barlyq shaqyrý qujattary daıyn bolǵanyna qaramastan, olar meni shaqyrýdan bas tartty.

Ol taǵaıyndalǵannan keıin ujymda tek slavıan ultynan turatyn elıta quryldy. Etnıkalyq tákapparlyq ósti.  Áskerılerdi Jarǵynyń ne ekenin bilmeıtin azamattyq qyzmetkerler basqara bastady. Ulttyq áskerı qyzmetshilerge, sarbazdar men serjanttarǵa, ofıerlerge, polkovnıkterge jáne podpolkovnıkterge degen kózqaras óte kúrt ózgerdi.

Men etnosaralyq qaqtyǵystarǵa qarsymyn, biraq sport komıtetinde bolyp jatqan oqıǵalar etnıkalyq tártipti buzyp jatyr. Bul meni qatty alańdatady.

Mysaly, Olga Shıshıgına taǵaıyndalǵan sátten bastap Azarova Tatıana bas bapker laýazymyna azamattyq qyzmetke qabyldandy. Sodan bastap Olga Shıshıgınanyń keńsesinen shyqpaıtyn boldy.

Onyń Qarýly Kúshterde tájirıbesi joq, soǵan qaramastan Sport komıtetiniń shtattyq qurylymyn ázirleıdi, onyń qyzmetine jatpaıtyn jumysqa: kadrlyq, qarjylyq, aqyly qyzmetter, satyp alý, materıaldyq-tehnıkalyq qamtamasyz etý, komandırdiń saıası-aǵartý jáne tárbıe jumysyna aralasady. Barlyq issaparlar sonymen kelisiletin boldy.

Olga Shıshıgınanyń beıresmı birinshi orynbasary bolyp alǵan ol, sport komıtetinde bolyp jatqan barlyq iske áserin tıgizip otyr", - delingen jazbada.

Áskerı qyzmetker, sonymen qatar, Shıshıgınanyń shekten shyqqan áreketi jaıly sóz etedi.

Shıshıgına slavıan ultyna jatpaıtyn áskerı qyzmetshilerge dóreki sóılep, tómendetedi. Bul –  shovınızmniń aıqyn belgileri.  Shtab bastyǵynyń birinshi orynbasary onyń adıýtanty sııaqty erip júredi. Shıshıgına kelgennen keıin jumysqa tek slavıan ultynan shyqqan qyzmetkerler men áskerı qyzmetshiler qabyldandy. Ishtegi negizgi laýazymdarǵa da ulttyq ózgesheligi boıynsha taǵaıyndalady.

Tolyq jumys kúnine qabyldanǵan kóptegen qyzmetkerler jumysta otyrmaıdy. Olardyń basqa jerde negizgi qyzmetteri bar. Bul –  Eńbek kodeksine qaıshy áreket. Mysaly, T.Azarova hanym, P. Stepanenko t.b. basqa jerde negizgi jumystary bar. Biraq mundaǵy jumys kestesi boıynsha olar segizge deıin jumysta otyrýy kerek.

Ortalyq sport klýbynyń jańa shtattyq qurylymyn josparlaý ár túrli baǵyttar boıynsha tóraǵanyń orynbasarlarymen jáne bólim bastyqtarymen talqylanǵan joq.

Aldyn ala 50-ge jýyq «kerek emes» adamnyń tizimi jasaldy, negizinen jergilikti ulttyń ofıerleri men serjanttary (qazaqtar) jumyssyz qalmaq. Olar otyrystaryna orynbasarlar men bólim bastyqtaryn qatystyrmaıdy. Boks, dzıýdo, sambo, qoıan-qoltyq jekpe-jek, kúres jáne t.b. sport túrlerinen joǵary jetistikterge jetken sportshylar qysqartýǵa ushyrap jatyr. Mundaı sport túrlerinen nátıje kórsetetin negizinen ózimizdiń jergilikti jigitter ekenin bilesizder.

Ujymdaǵy jaǵdaı ábden shıelenisken. Áskerı qyzmetshiler jumys ornynan aıyrylmaý úshin narazylyqtaryn kórsetpeı otyr. Olga Shıshıgınanyń olımpıada chempıony retindegi bedeli men mınıstrmen jaqsy qarym-qatynasyn kórip otyrǵan áskerı qyzmetshiler onymen sózge kelgisi kelmeıdi. Ol mınıstrmen jaqsy qarym-qatynasyn paıdalanyp, áskerı qyzmetshilerdi shtattyq is-shara boıynsha jumystan shyǵaryp jiberetinin aıtyp, ashyqtan-ashyq qorqytady...

Farhad Tapalov kóz aldynda bolyp jatqan bassyzdyqqa shydamaıtynyn aıtyp, quzyrly orǵandarǵa úndeý joldady.

...Men ultshyl emespin, biraq bolyp jatqan myna sharýa meniń namysyma qatty tıedi. Men óz ultymdy, óz tilimdi syılaımyn jáne syılatamyn. Bundaı bylyqqa jol bermeımin. Shydamnyń da shegi bar. Eger ol osylaı jalǵasa berse, úlken narazylyqtar men tártipsizdikterge ákelýi múmkin. Quram jarylýǵa shaq qalyp otyr.

Jaqynda el prezıdenti Qasym-Jomart Toqaev óz sózinde «etnıkalyq tákapparlyqtyń, kemsitýshiliktiń jáne etnosaralyq qaqtyǵystyń kez kelgen kórinisterin eshkimge qaramaı qatań túrde jolyn jabý kerek» ekenin atap ótti.

Osyǵan baılanysty QR QM  Armııanyń ortalyq sport klýby ujymy prezıdentke jáne Bas prokýratýraǵa úndeý joldady. Sizderden sport komıtetindegi shovınızm, ultyna qaraı qýdalaýǵa ushyratý saldarynan ulttyq qaqtyǵystyń aldyn-alýdy surap, úndeýimizdi jarııalaýdy suraımyz.

QR QM Armııanyń ortalyq sport klýby ujymy atynan kómek suraımyn.
Qurmetpen, Farhat Tapalov», - dep jazylǵan úndeýde.

Úndeýdiń sońynda ashynǵan jýrnalıst Gúlbaný Ábenova:

"Bul Olga hanym qazaqtyń atynan Olımpıada chempıony atandy. Qazaqtyń nanyn jep, sýyn ishti. Olımpıadanyń júldesinen bólek, qazaqtyń da qomaqty qarjysyn qaltaǵa saldy. Parlamentte tapjylmaı uzaq jyl otyrdy. Endigi isi mynaý bolsa, sumdyq... Aq-qarasyn quzyrly mınıstrlik anyqtaý kerek! Mınıstrlikten jaýap kútemiz..."- dep kesip aıtty.

"Adyrna" ulttyq portaly 

 

Pikirler