«قازاقستان بويىنشا 90 مىڭعا جۋىق ستۋدەنتكە جاتاقحانادان جەتىسپەيدى». بۇل پىكىردى قر پارلامەنتى ءماجىلىسىنىڭ دەپۋتاتى ەلنۇر بەيسەنباەۆ "سۇراۋى بار" YouTube ارناسىنا بەرگەن سۇحباتىندا ايتتى، دەپ جازادى "ادىرنا" ۇلتتىق پورتالى.
"قازاقستان بويىنشا 90 مىڭعا جۋىق ستۋدەنتكە جاتاقحانادان ورىن جەتىسپەيدى. سونىڭ 60 مىڭ ورنى ەكى قالادا: الماتى جانە استانادا. ەڭ كوپ جوو-ى شوعىرلانعان الماتىدا اباي اتىنداعى قازاق ۇلتتىق پەداگوگيكالىق ۋنيۆەرسيتەتى بار. قازىرگى ستۋدەنتتەرىنىڭ سانى - 16 مىڭنان اسادى. 16 مىڭ ستۋدەنتتىڭ 12 مىڭعا جۋىعى شەت جاقتاردان، اۋىل-ايماقتاردان كەلگەن. 12 مىڭ ستۋدەنتكە نە كەرەك؟ جاتاقحانا كەرەك. بىراق بىزدەگى بۇل ۋنيۆەرسيتەتتىڭ جاتاقحانالىق فوندى - 2 مىڭ ورىن. 16 مىڭ ستۋدەنتكە 2-اق مىڭ ورىن بار. تاعى ءبىر اقپارات ايتايىن. جۇرەگىڭىز اۋىرادى. ۇلت ۇستازىنىڭ 150 جىلدىق مەرەيتويىن تويلاپ جاتقان جىلى №1 پەداگوگيكالىق ۋنيۆەرسيتەتتەگى ەڭ جاڭا جاتاقحانا - 1958 جىلى سالىنعان. سوندا ءبىز 30 جىل تاۋەلسىزدىگىمىزدە پەداگوگتاردى تاربيەلەيتىن ۋنيۆەرسيتەتكە ءبىر جاتاقحانا سالىپ بەرۋگە قاۋقارسىز بولدىق",- دەيدى دەپۋتات.
