2022 jyly 1 qyrküiekte Memleket basşysy Qasym-Jomart Toqaev öz Joldauynda biyl küzde kezekten tys prezident sailauy ötetının mälımdedı, dep habarlaidy «Adyrna» tılşısı.
Ädılettı Qazaqstan qūru jolynda keşendı reformalardy jüzege asyru üşın jaŋa senım mandaty qajet ekenın atap öttı. Sonymen qosa ökılettılıgınıŋ merzımı jaily da ūsynys bıldırdı. Būdan bylai Qazaqstan Respublikasynyŋ prezidentı bır merzımge ǧana – 7 jylǧa sailanady. Iаǧni jetı jyldan keiın prezident bolǧan adam qaitadan sailauǧa qatysa almaidy.
«Men üşın memleket müddesı bärınen biık. Sondyqtan men ökılettık merzımımdı qysqartuǧa jäne kezekten tys prezident sailauyna baruǧa daiynmyn», – degen edı Memleket basşysy Qasym-Jomart Toqaev.Bügıngı künı atalǧan saiasi nauqannyŋ ötetın künıde naqtylandy. Aǧymdaǧy jyly 20 qaraşada Qazaqstan Respublikasy Prezidentınıŋ kezekten tys sailauy ötetın bolady. Osyǧan orai, Almaty qalasynda sailauda dauys beruge arnalǧan sailau uchaskesınıŋ mekenjaiy men nömırın tekseru üşın Call-ortalyq ıske qosyldy. Barlyq ūialy bailanys operatorlarynyŋ abonentterı üşın qoŋyrau şalu tegın. Call-ortalyqtyŋ jūmys uaqyty – demalys künderın qosa alǧanda, kün saiyn saǧat 8.00-den 20.00-ge deiın. Almaty qalasy äkımdıgınıŋ «Open Almaty» qoǧamdyq qabyldauynyŋ saitynda jäne bılım basqarmasynyŋ memlekettık qyzmetter portalynda sailauşylar tızımınde özın tekseruge mümkındık beretın servis endı qoljetımdı. Osyǧan ūqsas qyzmet Telegram Bot (@almaty_sailau2022_bot) arqyly da ıske qosyldy.
Ūqsas jaŋalyqtar
