فوتو: Report
بولگاريادا پرەزيدەنت سايلاۋىنىڭ ەكىنشى كەزەڭىندە داۋىس بەرۋ باستالدى. ەل بويىنشا 12 مىڭنان استام سايلاۋ ۋچاسكەسى اشىلىپ، 6,6 ميلليون ازاماتقا داۋىس بەرۋ مۇمكىندىگى بەرىلدى. بۇل تۋرالى Report اگەنتتىگى جازدى، دەپ حابارلايدى “ادىرنا”.
جەرگىلىكتى ۋاقىت بويىنشا ساعات 07:00-دە اشىلعان سايلاۋ ۋچاسكەلەرى كەشكى 20:00-گە دەيىن جۇمىس ىستەيدى. شەتەلدە تۇراتىن نەمەسە تۋريستىك ساپاردا جۇرگەن بولگاريا ازاماتتارى ءۇشىن الەمنىڭ 60 ەلىندە قوسىمشا داۋىس بەرۋ ورىندارى ۇيىمداستىرىلعان.
پرەزيدەنتتىككە يليانا يوتوۆا مەن اندرەي گيۋروۆ ۇمىتكەر بولىپ وتىر. ال ۆيتسە-پرەزيدەنتتىك لاۋازىمعا كيريل ۆىلچەۆ پەن گەورگي كاندەۆ كانديدات رەتىندە تىركەلگەن.
داۋىس بەرۋدىڭ العاشقى بەيرەسمي ناتيجەلەرى سايلاۋ ۋچاسكەلەرى جابىلعاننان كەيىن جاريالانادى دەپ كۇتىلۋدە. ال رەسمي قورىتىندى 4 قاراشادان كەشىكتىرىلمەي بەلگىلى بولۋى ءتيىس.
ايتا كەتەيىك، بولگاريا پرەزيدەنتى جالپىحالىقتىق داۋىس بەرۋ ارقىلى بەس جىل مەرزىمگە سايلانادى. ءبىر ادام بۇل قىزمەتتى قاتارىنان ەكى مەرزىمنەن ارتىق اتقارا المايدى. پرەزيدەنتپەن بىرگە ۆيتسە-پرەزيدەنت تە سايلانادى. 2026 جىلعى سايلاۋدىڭ ءبىرىنشى كەزەڭىندە مەملەكەت باسشىسى لاۋازىمىنا بارلىعى 27 ادام ۇمىتكەر بولعان.
