قازاقستاندا كۇزدە وتەتىن پرەزيدەنتتىك سايلاۋعا 20 ملرد تەڭگە جۇمسالادى. ال 2023 جىلعى پارلامەنتتىك سايلاۋعا شامامەن 25 ملرد تەڭگە جۇمسالماق. بۇل تۋرالى ءماجىلىس وتىرىسىندا قارجى ۆيتسە-ءمينيسترى تاتيانا ساۆەلەۆا مالىمدەدى، دەپ حابارلايدى “ادىرنا” ۇلتتىق پورتالى.
اقشا ۇكىمەت رەزەرۆىنەن بولىنەدى.
«قازىر وسك ەسەپ جۇرگىزىپ جاتىر. شامامەن 20 ميلليارد تەڭگەنى قۇرايدى. نەلىكتەن شىعىندار وسۋدە؟ بىرىنشىدەن، ەڭ تومەنگى جالاقى كوتەرىلدى. سايلاۋعا بايلانىستى بارلىق شىعىنداردىڭ 90%-ى – سايلاۋ كوميسسيالارى مۇشەلەرىنىڭ جالاقىسى. وتكەن سايلاۋعا 65 مىڭ ادام قاتىستى. بيىل قاتىسۋشىلار سانى 70 مىڭنان اسادى. ەڭ تومەنگى جالاقىنى ەسكەرە وتىرىپ جالاقىلارىن ەسەپتەۋ جۇمىستارى جۇرگىزىلەدى»، – دەدى ساۆەلەۆا.
ەتج 2023 جىلى 70 مىڭ تەڭگەگە دەيىن وسەتىنىن ەسكەرسەك، پارلامەنت سايلاۋىنا 25 ميلليارد تەڭگە قاجەت.
”ادىرنا” ۇلتتىق پورتالى
