بۇگىن وبلىس ورتالىعى جەزقازعان قالاسىندا ەكولوگيالىق تازالىقتى ناسيحاتتاۋعا باعىتتالعان «تازا قازاقستان» رەسپۋبليكالىق اكتسياسى اياسىندا كەڭ اۋقىمدى سەنبىلىك ۇيىمداستىرىلدى.
اتالعان شاراعا 8 000 استام ادام قاتىسىپ، 80 بىرلىك ارنايى تەحنيكا جۇمىلدىرىلدى. ناتيجەسىندە 700 توننا قوقىس قالادان شىعارىلدى. قالالىق پوليگون سەنبىلىك بارىسىندا جينالعان قالدىقتاردى تەگىن قابىلدادى.
سونداي-اق سەنبىلىككە 300-دەن استام ۇيىمنىڭ، مەكەمەلەردىڭ جانە شاعىن جانە ورتا بيزنەس وكىلدەرىنىڭ ەڭبەك ۇجىمدارى بەلسەنە اتسالىستى.
ايتا كەتەيىك، ۇلىتاۋ وبلىسى بويىنشا 700 ۇجىمنان 15 000-عا جۋىق ادام، 173 ارنايى تەحنيكا جۇمىلدىرىلىپ، مىڭ توننادان استام قوقىس شىعارىلدى.
ۇلىتاۋ وبلىسىنىڭ اكىمدىگى سەنبىلىككە قاتىسقان بارلىق تۇرعىندارعا، مەكەمە قىزمەتكەرلەرىنە، كاسىپكەرلەرگە جانە ەرىكتىلەرگە قالانىڭ تازالىعىنا قوسقان ۇلەستەرى ءۇشىن العىسىن بىلدىرەدى.
