قازاقستاندىقتارعا ءتىل تيگىزگەن قاراعاندى قالاسىنىڭ تۇرعىنى الاۋىزدىقتى قوزدىرۋ كۇدىگى بويىنشا ۇستالدى. بۇل تۋرالى قاراعاندى وبلىسى پوليتسيا دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
“پوليتسيا قىزمەتكەرلەرى قاراعاندى قالاسىنىڭ 42 جاستاعى تۇرعىنىن انىقتاپ، پوليتسيا بولىمىنە جەتكىزدى. وعان قاتىستى قر قك-ءنىڭ 174-بابى (الەۋمەتتىك، ۇلتتىق، رۋلىق، ناسىلدىك، تاپتىق نەمەسە ءدىني الاۋىزدىقتى قوزدىرۋ) بويىنشا قىلمىستىق ءىس تىركەلدى. تەرگەۋ جۇرگىزىلىپ جاتىر”، – دەپ حابارلادى قاراعاندى وبلىسى پوليتسيا دەپارتامەنتىنىڭ ءباسپاسوز قىزمەتى.
بۇعان دەيىن الەۋمەتتىك جەلىلەردە ەر ادام قازاقستاندىقتار مەن ەل باسشىلىعىنا قاتىستى ءتىل تيگىزگەن. سونىمەن قاتار، ۆلاديمير پۋتين باستاعان رەسەيدىڭ ارەكەتتەرىنە قولداۋ بىلدىرەتىنى تۋرالى ايتقان.
