Qazaqstandyqtarǵa til tıgizgen Qaraǵandy qalasynyń turǵyny alaýyzdyqty qozdyrý kúdigi boıynsha ustaldy. Bul týraly Qaraǵandy oblysy polıııa departamentiniń baspasóz qyzmeti málimdedi, dep habarlaıdy “Adyrna” ulttyq portaly.
“Polıııa qyzmetkerleri Qaraǵandy qalasynyń 42 jastaǵy turǵynyn anyqtap, polıııa bólimine jetkizdi. Oǵan qatysty QR QK-niń 174-baby (Áleýmettik, ulttyq, rýlyq, násildik, taptyq nemese dinı alaýyzdyqty qozdyrý) boıynsha qylmystyq is tirkeldi. Tergeý júrgizilip jatyr”, – dep habarlady Qaraǵandy oblysy polıııa departamentiniń baspasóz qyzmeti.
Buǵan deıin áleýmettik jelilerde er adam qazaqstandyqtar men el basshylyǵyna qatysty til tıgizgen. Sonymen qatar, Vladımır Pýtın bastaǵan Reseıdiń áreketterine qoldaý bildiretini týraly aıtqan.
