TikTok-تىڭ رەسەيدەگى كەڭسەسى قىزمەتكەرلەرىنە قازاقستان، قىرعىزستان جانە ارمەنيا مەملەكەتتەرىنىڭ بىرىنە كوشۋ ۇسىنىلعان، دەپ حابارلايدى “ادىرنا” ۇلتتىق پورتالى.
ربك باسىلىمىنىڭ مالىمەتىنشە، قىزمەتكەرلەرگە مۇنداي ۇسىنىس رەسەيدە جارتىلاي موبيليزاتسيا باستالعان سوڭ كەلىپ تۇسكەن.
ء"ۇش مەملەكەتتىڭ بىرىنە كوشۋ ۇسىنىلدى. بىراق قىزمەتكەرلەر ترانسپورت، تۇرعىن ءۇي جانە ت.ب. شىعىنداردى وزدەرى وتەۋى كەرەك", - دەپ مالىمدەدى باسىلىم دەرەككوزى.
سونىمەن قاتار TikTok شىعىس ەۋروپا بويىنشا عالامدىق بيزنەس-شەشىمدەر ءبولىمىنىڭ باسشىسى اناستاسيا پانينا كومپانيانىڭ قازاقستاندا جاڭا كەڭسە اشاتىنىن حابارلاعان.
"وسى كۇزدە TikTok قازاقستاندا كەڭسە اشۋدى جوسپارلاپ وتىر، قازاقستاندا تلانتتار، كوپ تسيفرلىق ەكونوميكا دا دامۋ ۇستىندە جانە يننوۆاتسيالىق كاسىپكەرلەر دە بار", - دەدى ول.
باسىلىم مالىمەتىنشە، رەسەيدەگى كەڭسە قىزمەتكەرلەرىنىڭ ءبىر بولىگى وزگە دە حالىقارالىق كوماندالاردا جۇمىس ىستەيدى. دەگەنمەن رەسەيلىك كەڭسەنىڭ جۇمىسشىسى بولىپ قالا بەرەدى.
