سولتۇستىك اتلانتيكالىق اليانسقا ۋكراينانىڭ ۇستىندەگى اۋە كەڭىستىگىن جابۋ تۋرالى پەتيتسيا-ۇندەۋ 1 ميلليوننان استام داۋىس جينادى، دەپ حابارلايدى "ادىرنا" ۇلتتىق پورتالى.
پەتيتسيانىڭ سوزبە-ءسوز ماعىناسى: «ءبىز، الەم حالقى، ناتو-عا مۇشە ەلدەردەن ۋكراينا اۋە كەڭىستىگىن جابۋدى، قورعاۋدى جانە ۋكرايناعا ناتو بىتىمگەرشىلىك اسكەرلەرىن جىبەرۋدى، كيەۆكە اسكەري كومەك كورسەتۋدى جانە ۋكراينا حالقىن قولداۋدى سۇرايمىز. مىسالى كەزىندە يزرايلگە كورسەتىلگەن كومەكتەي».
نەلىكتەن بۇل ماڭىزدى: سوعىس باستالعاننان بەرى ۋكراينا اسپانى ازاماتتىق اۆياتسيا ءۇشىن جابىق. بىراق رەسەيلىك اسكەري ۇشاقتار ۋكراينا قالالارىنا اۋەدەن شابۋىل جاساپ، بەيبىت تۇرعىندارعا زىمىراندىق جانە بومبالىق شابۋىلداردى جالعاستىرۋدا.
اسپاننىڭ جابىلۋى اسپاندى اسكەري ۇشاقتارمەن كۇزەتىپ، اۋە شابۋىلىنا قارسى قورعانىس جۇيەلەرىمەن قورعايتىنىن بىلدىرەدى. اسپان جابىلعان كەزدە جابىق ايماققا ۇشاتىن بارلىق اسكەري ۇشاقتار اتىپ تۇسىرىلەدى.
پەتيتسياعا قول قويعان ادامدار ناتو-دان ۋكراينا اسپانىن جابۋدى سۇراپ وتىر. ەگەر ناتو اسپاندى جاۋىپ تاستاسا، ونىڭ اسكەري كۇشتەرى اۋە شابۋىلىن كۇزەتىپ، تىيىمدى بۇزعان ۇشاقتاردى اتىپ تۇسىرەتىن ەدى.
ناتو مۇنى ىستەۋگە اسىقپايدى، ويتكەنى بۇل ناتو-مەن رەسەي اراسىنداعى الاۋىزدىققا اكەپ سوعۋى مۇمكىن.
"ادىرنا" ۇلتتىق پورتالى
