21 قاراشا كۇنى، ساعات 15:00-دە ح.بوكەەۆا اتىنداعى باتىس قازاقستان وبلىستىق دراما تەاترىندا «ازاماتتىق باستامالاردى قولداۋ ورتالىعى» مەن قر قوعامدىق دامۋ مينيسترلىگىڭ قولداۋىمەن «ادىرنا» ۇلتتىق-ەتنوگرافيالىق بىرلەستىگى جۇزەگە اسىرعان قازاقستان جاستارىن الەۋمەتتەندىرۋگە باعىتتالعان JasQZ جوباسىن قورتىندىلاۋ بويىنشا سالتاناتتى شارا وتەدى.
JasQZ جوباسى اياسىندا ۇيىمداستىرىلعان «مەنىڭ تاڭداۋىم» بايقاۋى 6 باعىتتان تۇردى. وندا باتىس قازاقستان وبلىسىنىڭ 9-11 سىنىپ وقۋشىلارى مەن جوعارى وقۋ ورنى ستۋدەنتتەرى 6 باعىتتىڭ ءبىرىن تاڭداپ، ءوزارا باسەكەگە ءتۇستى.
«ۇلتتىق قۇندىلىق» باعىتى بويىنشا ۇزدىكتەر سالت-ءداستۇر بويىنشا بىلىكتىلىگى اۋىزشا سۇراقتارعا جاۋاپ بەرۋ ارقىلى انىقتالدى.
«اسكەري-پاتريوتتىق» باعىت بويىنشا ۇزدىكتەر «مەملەكەتتىڭ قورعانىس قابىلەتى قايتسە بەكەم بولادى؟» اتتى تاقىرىپتا ەسسە جازۋ ارقىلى انىقتالدى.
«زياتكەرلىك» باعىت بويىنشا ۇزدىكتەر ماتەماتيكا ساباعى بويىنشا سىناق تاپسىرۋ ارقىلى انىقتالدى.
«شىعارماشىلىق» باعىت بويىنشا ۇزدىكتەر ۇلتتىق اسپاپتاردا (دومبىرا، قوبىز، سىبىزعى، سازسىرناي، شاڭقوبىز ج.ت.ب.) ونەر كورسەتۋ ارقىلى انىقتالدى.
«الەۋمەتتىك بەلسەندىلىك» باعىتى بويىنشا ۇزدىكتەر قوعامنىڭ دامۋىنا تەگىن ەڭبەك ەتكەنىن دالەلدەيتىن قۇجاتتارىن (ديپلوم، العىس حات، فوتو-ۆيدەو ايعاقتار ج.ت.ب.) ۇسىنۋ ارقىلى انىقتالدى.
«سپورتتىق» باعىت بويىنشا ۇزدىكتەر قاشىقتىققا جۇگىرۋ، كەرمەگە (تۋرنيك) تارتىلۋ جارىستارى ارقىلى انىقتالدى.
سالتاناتتى شارا بارىسىندا «مەنىڭ تاڭداۋىم» بايقاۋىنىڭ ۇزدىكتەرى ماراپاتتالىپ، سىيلىقتار تابىستالادى.
سالتاناتتى ماراپاتتاۋ ءراسىمى اياسىندا جاستارعا تاريحي ورىندارعا ەكسكۋرسيا، ۇلتتىق ويىن، تانىمدىق سۇراق-جاۋاپ، ماقال-ماتەل ايتۋ جارىسى ۇيىمداستىرىلادى.
تولىعىراق ماعلۇمات الۋ ءۇشىن تومەندەگى بايلانىس تەلەفون نومىرلەرىنە نەمەسە ەلەكتروندى پوچتاعا حابارلاسۋىڭىزعا بولادى:
87075700407
aisaule.72@mail.ru
