JasQZ jobasynyń saltanatty marapattaý rásimine shaqyramyz!

823

21 qarasha kúni, saǵat 15:00-de H.Bókeeva atyndaǵy Batys Qazaqstan oblystyq drama teatrynda «Azamattyq bastamalardy qoldaý ortalyǵy» men QR Qoǵamdyq damý mınıstrligiń qoldaýymen «Adyrna» ulttyq-etnografııalyq birlestigi júzege asyrǵan Qazaqstan jastaryn áleýmettendirýge baǵyttalǵan JasQZ jobasyn qortyndylaý  boıynsha saltanatty shara  ótedi.   

JasQZ jobasy aıasynda uıymdastyrylǵan «Meniń tańdaýym» baıqaýy 6 baǵyttan turdy. Onda Batys Qazaqstan oblysynyń 9-11 synyp oqýshylary men joǵary oqý orny stýdentteri 6 baǵyttyń birin tańdap, ózara básekege tústi.

«Ulttyq qundylyq» baǵyty boıynsha úzdikter salt-dástúr boıynsha biliktiligi aýyzsha suraqtarǵa jaýap berý arqyly anyqtaldy.

«Áskerı-patrıottyq» baǵyt boıynsha úzdikter «Memlekettiń qorǵanys qabileti qaıtse bekem bolady?» atty taqyrypta esse jazý arqyly anyqtaldy.

«Zııatkerlik» baǵyt boıynsha úzdikter matematıka sabaǵy boıynsha synaq tapsyrý arqyly anyqtaldy.

«Shyǵarmashylyq» baǵyt boıynsha úzdikter ulttyq aspaptarda (dombyra, qobyz, sybyzǵy, sazsyrnaı, shańqobyz j.t.b.) óner kórsetý arqyly anyqtaldy.

«Áleýmettik belsendilik» baǵyty boıynsha úzdikter qoǵamnyń damýyna tegin eńbek etkenin dáleldeıtin qujattaryn (dıplom, alǵys hat, foto-vıdeo aıǵaqtar j.t.b.) usyný arqyly anyqtaldy.

«Sporttyq» baǵyt boıynsha úzdikter qashyqtyqqa júgirý, kermege (týrnık) tartylý jarystary arqyly anyqtaldy.

Saltanatty shara barysynda «Meniń tańdaýym» baıqaýynyń úzdikteri marapattalyp, syılyqtar tabystalady.

Saltanatty marapattaý rásimi aıasynda jastarǵa tarıhı oryndarǵa ekskýrsııa, ulttyq oıyn, tanymdyq suraq-jaýap, maqal-mátel aıtý jarysy uıymdastyrylady.

Tolyǵyraq maǵlumat alý úshin tómendegi baılanys telefon nómirlerine nemese elektrondy pochtaǵa habarlasýyńyzǵa bolady: 

87075700407

aisaule.72@mail.ru

Pikirler