پرەزيدەنت قاسىم-جومارت توقاەۆ 2025 جىلى 21 جەلتوقساندا جوعارى ەۋرازيالىق ەكونوميكالىق كەڭەستىڭ شاعىن قۇرامداعى وتىرىسىنا قاتىستى، دەپ حابارلايدى “ادىرنا”.
مەملەكەت باسشىسى قاسىم-جومارت توقاەۆ سانكت-پەتەربۋرگ قالاسىندا وتكەن جوعارى ەۋرازيالىق ەكونوميكالىق كەڭەستىڭ (جەەك) كەزەكتى وتىرىسىنا قاتىستى، دەپ حابارلايدى اقوردانىڭ ءباسپاسوز قىزمەتى.
كەزدەسۋگە قازاقستان پرەزيدەنتىمەن بىرگە رەسەي فەدەراتسياسىنىڭ پرەزيدەنتى ۆلاديمير پۋتين، بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو، قىرعىز رەسپۋبليكاسىنىڭ پرەزيدەنتى سادىر جاپاروۆ، ارمەنيا رەسپۋبليكاسىنىڭ پرەمەر-ءمينيسترى نيكول پاشينيان، سونداي-اق ەۋرازيالىق ەكونوميكالىق كوميسسيا القاسىنىڭ توراعاسى باقىتجان ساعىنتاەۆ قاتىستى.
كەڭەس وتىرىسىندا ەۋرازيالىق ەكونوميكالىق وداق جۇمىسىنىڭ كەلەسى جىلى اتقاراتىن نەگىزگى مىندەتتەرى مەن باعىتتارى تالقىلاندى.
سونىمەن قاتار جيىنعا قاتىسۋشىلار ەاەو-نىڭ قازىرگى قىزمەتىنە بايلانىستى بىرقاتار ماسەلە جونىندە پىكىر الماستى.
ايتا كەتسەك، مۇنىڭ الدىندا قاسىم-جومارت توقاەۆ جوعارى ەۋرازيالىق ەكونوميكالىق كەڭەس وتىرىسىنا قاتىسۋ ءۇشىن ب.ن.ەلتسين اتىنداعى پرەزيدەنتتىك كىتاپحاناعا كەلگەن بولاتىن. ول ارادا مەملەكەت باسشىسىن رەسەي پرەزيدەنتى ۆلاديمير پۋتين قارسى الدى.
ايتا كەتەيىك، مەملەكەت باسشىسى قاسىم-جومارت توقاەۆ 2025 جىلى 21 جەلتوقساندا رەسەيدىڭ سانكت-پەتەربۋرگ قالاسىنا باردى.
