تانىمال قازاق ءانشىسى نۇرلان البان Chocogroup كومپانياسى بايكوت جاريالايتىنىن ايتتى. بۇل تۋرالى ول ينستاگرام پاراقشاسىنا ۆيدەو جاريالادى، دەپ حاباردايدى “ادىرنا” ۇلتتىق پورتالى.
“جەر استىنان جىك شىقتى، ەكى قۇلاعى تىك شىقتى” دەگەن ءسوزدى ءبىز بالا كەزىمىزدە اڭىز، ەرتەگىلەردەن ەستۋشى ەدىك. قازىر 21 عاسىردا بۇگىنگى كۇنى بۇكىل الاش جۇرتىنىڭ اشۋىن تۋعىزعان، جەر استىنان ەكى قۇلاعى تىك شىققان راميل مۋحورياپوۆ دەگەن ءبىر بايعۇس كاسىپكەر پايدا بولدى. بۇنىڭ باسقارىپ وتىرعان كومپانياسى - Chocogroup. جىلدىق تابىسى - 17 ملن دوللار. ياعني، قازاقتىڭ نانى جاقسى، سۋى جاقسى، جەرى جاقسى، اقشاسى جاقسى، ال قازاقتىڭ ءوزى بايعۇس قالپىنا ءتۇستى.
ول “ورىسشا سۇراپ، سىزگە قازاقشا جاۋاپ بەرسە، بۇل - ۇلتىلشىلدىقتىڭ ءارى تومەن مادەنيەتتىڭ بەلگىسى”،- دەيدى. مۇنداي باعا بەرەتىن ول كىم؟ جوعارى جاقتا وتىرعان، اسىرەسە قازاقستان حالقى اسسامبلەياسىنان ءاي دەيتىن اجە، قوي دەيتىن قوجا تابىلعان جوق. مىنا جۇگەنسىز كەتكەن بايعۇستى اۋزىنا كىسەن، اياعىنان تۇساۋ سالاتىن ەشكىمنىڭ تابىلماعانى ما؟ بۇل ۇلتارازدىق ۇلكەن دۇربەلەڭدى تۋعىزاتىنىن ايدان انىق.
بۇل Chocogroup دەگەن ءموبيلدى قوسىمشالار. راميل مۋحورياپوۆ دەگەن بايعۇستى اۋىزعا ۇراتىن الاشتىڭ مىقتى IT تەحنولوگيانى مەڭگەرگەن قازاق ازاماتتارى باسىم. سولارعا كومەكتەسەيىك. مەن ءوز باسىم بايكوت جاريالايمىن. ەگەر دە نامىسىڭىز بولسا، قازاق بولىپ تۋعانىڭىزعا قۋانىپ جاتساڭىز ءسىز دە بايكوت جاريالاڭىز! IT تەحنولوگيانى مەڭگەرگەن قازاق باۋىرلارىمىزدىڭ ءىسىن دوڭگەلەتىپ الىپ كەتۋىنە ات سالىسايىق! ال قازاقستان حالقى اسسامبلەياسى بۇعان دەرەۋ ءۇن قاتادى دەگەن سەنىمدەمىز”،- دەدى ول.
