توقاەۆ الماتى وبلىسى جۇرتشىلىعىمەن كەزدەسۋ بارىسىندا قارالى قاڭتارعا قاتىستى پىكىر ءبىلدىرىپ، بۇزاقىلار مەن لاڭكەستەردەن باتىر جاساۋدىڭ قاجەتى جوق ەكەنىن ايتتى، دەپ جازادى "ادىرنا" ۇلتتىق پورتالى.
«زاڭ ۇستەمدىگى بولماسا، قوعامدىق ءتارتىپ ورناتۋ مۇمكىن ەمەس. باسقاشا ايتقاندا، ىشكى ساياساتىمىزدا زاڭ مەن ءتارتىپتى باسشىلىققا الامىز. تەك سوندا عانا ءبىز ازاماتتارىمىزدىڭ يگىلىگىنە باعىتتالعان ەكونوميكالىق رەفورمالاردى ءتيىمدى جۇرگىزۋ ءۇشىن قولايلى جاعداي جاساي الامىز. زاڭ مەن ءتارتىپ مەملەكەتىمىزدىڭ بەدەلىنە شىن مانىندە نۇقسان كەلتىرگەن قايعىلى قاڭتار وقيعاسىنىڭ قايتالانۋىنا جول بەرمەۋگە مۇمكىندىك بەرەدى. ودان ساباق الۋ كەرەك جانە بۇزاقىلار مەن لاڭكەستەردەن باتىر جاساۋدىڭ ەش قاجەتى جوق. بەلگىلى ءبىر كۇشتەردىڭ جەتەگىنە ەرگەن جانە كىشىگىرىم قىلمىستار جاساعاندارعا راقىمشىلىق جاريالادىم. ولار حالقىمىزدىڭ تۇپكى مۇددەسىنە مۇلدەم ساي كەلمەيتىن جەكە ماقساتتى كوزدەيدى. جۋىق ارادا مەملەكەتكە ساتقىندىق جاساعاندار، ەكىجۇزدىلىك جانە قورقاقتىق تانىتقاندار سوت الدىندا جاۋاپ بەرەدى. قايعىلى جاعدايعا جول بەرگەن نەمەسە ارانداتۋشىلىق ارەكەت جاساعانداردىڭ ىستەرى بويىنشا تەرگەۋ جالعاسادى»، - دەدى توقاەۆ.
"ادىرنا" ۇلتتىق پورتالى
