Toqaev Almaty oblysy jurtshylyǵymen kezdesý barysynda qaraly Qańtarǵa qatysty pikir bildirip, buzaqylar men lańkesterden batyr jasaýdyń qajeti joq ekenin aıtty, dep jazady "Adyrna" ulttyq portaly.
«Zań ústemdigi bolmasa, qoǵamdyq tártip ornatý múmkin emes. Basqasha aıtqanda, ishki saıasatymyzda zań men tártipti basshylyqqa alamyz. Tek sonda ǵana biz azamattarymyzdyń ıgiligine baǵyttalǵan ekonomıkalyq reformalardy tıimdi júrgizý úshin qolaıly jaǵdaı jasaı alamyz. Zań men tártip memleketimizdiń bedeline shyn máninde nuqsan keltirgen qaıǵyly qańtar oqıǵasynyń qaıtalanýyna jol bermeýge múmkindik beredi. Odan sabaq alý kerek jáne buzaqylar men lańkesterden batyr jasaýdyń esh qajeti joq. Belgili bir kúshterdiń jetegine ergen jáne kishigirim qylmystar jasaǵandarǵa raqymshylyq jarııaladym. Olar halqymyzdyń túpki múddesine múldem saı kelmeıtin jeke maqsatty kózdeıdi. Jýyq arada memleketke satqyndyq jasaǵandar, ekijúzdilik jáne qorqaqtyq tanytqandar sot aldynda jaýap beredi. Qaıǵyly jaǵdaıǵa jol bergen nemese arandatýshylyq áreket jasaǵandardyń isteri boıynsha tergeý jalǵasady», - dedi Toqaev.
"Adyrna" ulttyq portaly
