قازاقستان پرەزيدەنتى قاسىم-جومارت توقاەۆ وزبەكستانعا جۇمىس ساپارىمەن باردى، دە حابارلايدى "ادىرنا" ۇلتتىق پورتالى.
مەملەكەت باسشىسىن بۇقارا قالاسىنىڭ اۋەجايىندا وزبەكستان پرەزيدەنتى شاۆكات ميرزيوەۆ قارسى الدى.
سالتاناتتى قارسى الۋ راسىمىندە مارتەبەلى مەيماننىڭ قۇرمەتىنە ۇلتتىق ءان مەن بي ورىندالدى. رەسمي شارا ەكى ەل اراسىنداعى دوستىق پەن ستراتەگيالىق ارىپتەستىكتىڭ جوعارى دەڭگەيىن ايقىنداي ءتۇستى.
اقوردانىڭ مالىمەتىنشە، مەملەكەتتەر باسشىلارى بەيرەسمي كەزدەسۋ وتكىزىپ، بۇقارا قالاسىنداعى بىرقاتار تاريحي جانە ونەركاسىپ نىساندارىن ارالايدى. كەزدەسۋ بارىسىندا قازاقستان مەن وزبەكستان اراسىنداعى ساۋدا-ەكونوميكالىق، مادەني-گۋمانيتارلىق بايلانىستاردى دامىتۋ ماسەلەلەرى تالقىلانادى دەپ كۇتىلۋدە.
مەملەكەت باسشىسىنىڭ ساپارى باحاۋددين ناقىشباندي كەسەنەسىنە زيارات ەتۋدەن باستالدى.
