جۋرناليست، قازاقتىڭ اياۋلى قىزى كامشات تاسبولات قازاق قوعامىنداعى قازاق تىلدىلەردىڭ قۇقىعى ءجيى تاپتالاتىنىن ايتىپ، انا ءتىلىمىزدىڭ مارتەبەسى مەن قولدانىسىنا قاتىستى وتە ماڭىزدى زاڭدىق دەرەكتەر كەلتىردى. ءوزىنىڭ تىلدىك ديسكريميناتسياعا ۇشىراعانى جايلى جازدى، دەپ حابارلايدى "ادىرنا" ۇلتتىق پورتالى.
جالىندى جۋرناليست ءوز جازباسىن قازاق ءتىلىنىڭ مارتەبەسى مەن زاڭدىق كۇشىنەن باستادى:
كونستيتۋتسيا بويىنشا، قازاق ءتىلى - مەملەكەتتىك ءتىل، ال ورىس ءتىلى - مەمورگانداردا قازاق تىلىمەن بىرگە قولدانىلاتىن ءتىل عانا، وعان دەيىن ۇلتارالىق قاتىناس ءتىلى بوپ كەلگەن [قازىر قولدانىلمايدى]. ياعني، ءبارىبىر مەملەكەتتىك ءتىل مارتەبەسى جوعارى! بىراق ءىس جۇزىندە قر-نىڭ ازاماتى ءارى تۇتىنۋشى رەتىندە ءالى كۇنگە دەيىن قىزمەت كورسەتۋ سالالارىندا تىلدىك ديسكريميناتسياعا ءجيى ۇشىرايمىز" - دەدى جۋرناليست.
كەيىننەن كامشات تاسبولات ءوزىنىڭ پىكىرىن شىنايى قوعامداعى كەلەڭسىزدىكتەرمەن ۇشتاستىردى. ءوز باسىنان وتكەن سوراقى جايتتار جايلى ءسوز ەتتى.
"بۇگىن مەga Silk Way وسك-داعى Lazania مەيرامحاناسىندا بولدىق، وكىنىشكە قاراي، وفيتسيانتتان قازاقشا اس ءمازىرىن سۇراپ ەدىك، ول بىزگە "ۋ ناس مەنيۋ تولكو نا انگليسكوم ي رۋسسكوم" دەدى. داياشىنىڭ ءوزى قازاقشا سويلەمەيدى ەكەن. ەسكەرتۋ جاسادىق. بىراق وسىنداي جاعدايمەن قالاي كۇرەسۋگە بولادى؟ نەگە تىلدىك تالاپتار ورىندالمايدى؟ نەگە مەملەكەتتىك ءتىلدى مەنسىنبەيتىن، زاڭ بۇزاتىن مەيرامحانا، كافە، بانكپەن جۋرناليستەر، قوعام بەلسەندىلەرى كۇرەسۋى كەرەك؟ نەگە جوعارى جاقتان تالاپ جوق؟ رەسەيلىكتەرگە راحات، مەنيۋدى ورىسشا وقىپ، "وي، پوشلي، وت سيۋدا" دەپ مەنسىنبەي كەتىپ بارادى. نەگىزگى تۇتىنۋشى - قازاق بولسا، قازاقتىڭ ءتىلىن نەگە سىيلامايدى؟ جالپى، بىرىڭعاي زاڭ، تالاپ بولۋى كەرەك قوي. ەگەر تالاپتى ورىنداماسا، سالىقتى كوبىرەك تولەسىن. بيۋدجەتتى ابدەن تولتىرىپ الۋعا بولادى! دوستار، جاۋاپتى ازاماتتاردى تەگتەۋىڭىزدى سۇرايمىن" - دەدى اۆتور.
كامشات تاسبولاتتىڭ وتكىر جازباسىنا ىلە-شالا MEGA سوو قىزمەتكەرى انتونينا كۋكاەۆا جاۋاپ بەردى.
قايىرلى كۇن! مەن MEGA سوو-نىڭ قىزمەتكەرىمىن. قالدىرعان پىكىرىڭىزگە راقمەت، اتالعان ەسكەرتپەڭىزدى Lazania اكىمشىلىگىنە جولدايمىز. كەلتىرگەن قولايسىزدىق ءۇشىن كەشىرىم سۇرايمىز، - دەدى انتونينا كۋكاەۆا.
ورايى كەلگەندە ايتا كەتەيىك، قازاقستان رەسپۋبليكاسىنىڭ كەز-كەلگەن ازاماتى جەكە تۇلعا، تۇتىنۋشى رەتىندە، كليەنت رەتىندە از ءمازىرىنىڭ «ءتىل تۋرالى» زاڭنىڭ 21-بابىنا سايكەس قازاق تىلىندە بولۋىن تالاپ ەتە الادى. تالاپ ورىندالماعان جاعدايدا قازاقستان رەسپۋبليكاسىنىڭ «اكىمشىلىك قۇقىق بۇزۋشىلىق تۋرالى» كودەكسىنىڭ 75-بابىندا دەرەكتەمەلەر مەن كورنەكi اقپاراتتى ورنالاستىرۋ جونiندەگi تالاپتاردى بۇزۋ بويىنشا قازاقستان رەسپۋبليكاسىنىڭ تiل تۋرالى زاڭناماسىن بۇزعانى ءۇشiن جاۋاپتىلىق قاراستىرىلعان.
"ادىرنا" ۇلتتىق پورتالى
