اقمولا وبلىسىنىڭ بىرلىك اۋىلدىق وكرۋگىنە قاراستى ءۇش ەلدى مەكەننىڭ اتاۋى وزگەرۋى مۇمكىن. بۇل تۋرالى «اشىق» نقا پورتالىندا جاريالانعان ءوڭىر اكىمدىگى مەن ماسليحاتتىڭ بىرلەسكەن شەشىمىندە جازىلدى، دەپ حابارلايدى “ادىرنا” ۇلتتىق پورتالى.
«اقمولا وبلىسىنىڭ اكىمدىگى مەن وبلىستىق ءماسليحات بىرلىك اۋىلدىق وكرۋگىنە قاراستى كراسنايا پوليانا اۋىلىن – بىرلىك، اربۋزينكا اۋىلىن - اقكەنت، پەتريكوۆكا اۋىلىن تۇمار اۋىلى دەپ اتاۋ تۋرالى شەشىم شىعاردى»، - دەلىنگەن تالقىلاۋعا شىعارىلعان قۇجاتتا.
ايتا كەتەيىك، بىلتىر اقمولا وبلىسىنا قاراستى ارشالى اۋدانىنداعى 2 اۋىل مەن 1 اۋىلدىق وكرۋگتىڭ جانە بۋراباي اۋدانىنا ەنەتىن كراسنىي كوردون اۋىلىنىڭ اتاۋى وزگەرگەن ەدى. جالپى، وتكەن جىلى بۇل وڭىردە 11 ەلدى مەكەن مەن 90 كوشەگە قازاقشا اتاۋ بەرىلدى.
