Jýrnalıst, qazaqtyń aıaýly qyzy Kámshat Tasbolat qazaq qoǵamyndaǵy qazaq tildilerdiń quqyǵy jıi taptalatynyn aıtyp, ana tilimizdiń mártebesi men qoldanysyna qatysty óte mańyzdy zańdyq derekter keltirdi. Óziniń tildik dıskrımınaııaǵa ushyraǵany jaıly jazdy, dep habarlaıdy "Adyrna" ulttyq portaly.
Jalyndy jýrnalıst óz jazbasyn qazaq tiliniń mártebesi men zańdyq kúshinen bastady:
Konstıtýııa boıynsha, qazaq tili - memlekettik til, al orys tili - memorgandarda qazaq tilimen birge qoldanylatyn til ǵana, oǵan deıin ultaralyq qatynas tili bop kelgen [Qazir qoldanylmaıdy]. Iaǵnı, báribir Memlekettik til mártebesi joǵary! Biraq is júzinde QR-nyń azamaty ári tutynýshy retinde áli kúnge deıin qyzmet kórsetý salalarynda tildik dıskrımınaııaǵa jıi ushyraımyz" - dedi jýrnalıst.
Keıinnen Kámshat Tasbolat óziniń pikirin shynaıy qoǵamdaǵy keleńsizdiktermen ushtastyrdy. Óz basynan ótken soraqy jaıttar jaıly sóz etti.
"Búgin Mega Silk Way OSK-daǵy Lazania meıramhanasynda boldyq, ókinishke qaraı, ofııanttan qazaqsha as mázirin surap edik, ol bizge "Ý nas menıý tolko na anglııskom ı rýsskom" dedi. Daıashynyń ózi qazaqsha sóılemeıdi eken. Eskertý jasadyq. Biraq osyndaı jaǵdaımen qalaı kúresýge bolady? Nege tildik talaptar oryndalmaıdy? Nege memlekettik tildi mensinbeıtin, zań buzatyn meıramhana, kafe, bankpen jýrnalıster, qoǵam belsendileri kúresýi kerek? Nege joǵary jaqtan talap joq? Reseılikterge rahat, menıýdy oryssha oqyp, "oı, poshlı, ot sıýda" dep mensinbeı ketip barady. Negizgi tutynýshy - qazaq bolsa, qazaqtyń tilin nege syılamaıdy? Jalpy, biryńǵaı zań, talap bolýy kerek qoı. Eger talapty oryndamasa, salyqty kóbirek tólesin. Bıýdjetti ábden toltyryp alýǵa bolady! Dostar, jaýapty azamattardy tegteýińizdi suraımyn" - dedi avtor.
Kámshat Tasbolattyń ótkir jazbasyna ile-shala MEGA SOO qyzmetkeri Antonına Kýkaeva jaýap berdi.
Qaıyrly kún! Men MEGA SOO-nyń qyzmetkerimin. Qaldyrǵan pikirińizge raqmet, atalǵan eskertpeńizdi Lazania ákimshiligine joldaımyz. Keltirgen qolaısyzdyq úshin keshirim suraımyz, - dedi Antonına Kýkaeva.
Oraıy kelgende aıta keteıik, Qazaqstan Respýblıkasynyń kez-kelgen azamaty jeke tulǵa, tutynýshy retinde, klıent retinde az máziriniń «Til týraly» Zańnyń 21-babyna sáıkes qazaq tilinde bolýyn talap ete alady. Talap oryndalmaǵan jaǵdaıda Qazaqstan Respýblıkasynyń «Ákimshilik quqyq buzýshylyq týraly» Kodeksiniń 75-babynda derektemeler men kórneki aqparatty ornalastyrý jónindegi talaptardy buzý boıynsha Qazaqstan Respýblıkasynyń til týraly zańnamasyn buzǵany úshin jaýaptylyq qarastyrylǵan.
"Adyrna" ulttyq portaly
