تۇركيادا ءىرى كومىر شاحتاسى جارىلدى

2475
Adyrna.kz Telegram

تۇركيانىڭ سولتۇستىك ايماعىندا كومىر شاحتاسى جارىلدى. بۇگىن قازا بولعانداردىڭ سانى قىرىققا جەتتى، دەپ حابارلايدى "ادىرنا" ۇلتتىق پورتالى  "TGRT Haber"-گە  سىلتەمە كورسەتە وتىرىپ.

باستاپقىدا توسىننان كەلگەن وقيعادا 28 ادامنىڭ جان ءتاسىلىم ەتكەنى باياندالعان.  قازا بولعانداردىڭ سانى بۇگىن قىرىققا جەتتى. ەلدەگى دەنساۋلىق ساقتاۋ ءمينيسترى حودجا فاحرەتتين 11 ادامنىڭ مەديتسينا ورتالىقتارىنا جەتكىزىلگەنىن حابارلادى.

ايشىقتاي كەتەيىك، 14 قازان كۇنى جەر بەتىنەن 300 مەتر تەرەڭدىكتە مەتان جارىلدى. وقىس وقيعا بارتىن ولكەسىنىڭ، اماسرە قالاسىنداعى كەن ورنىندا بولدى.

قر پرەزيدەنتى قاسىم-جومارت توقاەۆ تۇركيا پرەزيدەنتى رەدجەپ تايپ ەردوعانعا جەدەلحات جولداپ، قازاقستان حالقىنىڭ اتىنان كوڭىل ايتتى.

"ادىرنا" ۇلتتىق پورتالى

پىكىرلەر