قازاقستاننىڭ ءبىرىنشى راكەتكاسى الەكساندر بۋبليك سپورتتىق ازاماتتىعىن وزگەرتۋ تۋرالى ويىن ايتتى، دەپ حابارلايدى “ادىرنا” ءتىلشىسى Tengrinews.kz سايتىنا سىلتەمە جاساپ.
"مەن ونەر كورسەتەتىن ەلدىڭ اتىنان شىعامىن. ءيا، مەن رەسەيدە تۋىپ-ءوستىم جانە ءومىرىمنىڭ كوپ بولىگىن سوندا وتكىزدىم. مەن قازاقستانعا 2016 جىلى كوشىپ كەلدىم جانە بۇل ەلمەن ۇلكەن ەموتسيونالدى بايلانىسىم بار. باسىمنان قاتتى قيىن كەزەڭدەر وتكەندە قازاقستاننىڭ ماعان قالاي كومەكتەسكەنىن ۇمىتپايمىن. ارينە، مەن ورىس ەكەنىمدى، رەسەيلىك ەكەنىمدى ەستەن شىعارمايمىن. سەبەبى، مەنىڭ بۇكىل وتباسىم - رەسەيلىك. بىراق مەن قازاقستاندى الەمدىك ارەنادا تانىستىراتىنىمدى ماقتان ەتەمىن", - دەدى سپورتشى سۇحباتىندا.
ايتا كەتەيىك، الەكساندر بۋبليك 1997 جىلى 17 ماۋسىمدا رەسەيلىك گاتچينا قالاسىندا دۇنيەگە كەلگەن. قازاقستاندىق تەننيسشى 2016 جىلعا دەيىن رەسەي قۇراماسىندا ونەر كورسەتتى. ول جۇپتىق سىندا ءبىر - ۇلكەن دۋلىعا ءتۋرنيرىنىڭ ءفيناليسى (French Open - 2021), جەكەلەي سىندا ءبىر - ATP ءتۋرنيرىنىڭ جەڭىمپازى.
