Qazaqstannyń birinshi raketkasy Aleksandr Býblık sporttyq azamattyǵyn ózgertý týraly oıyn aıtty, dep habarlaıdy “Adyrna” tilshisi Tengrinews.kz saıtyna silteme jasap.
"Men óner kórsetetin eldiń atynan shyǵamyn. Iá, men Reseıde týyp-óstim jáne ómirimniń kóp bóligin sonda ótkizdim. Men Qazaqstanǵa 2016 jyly kóship keldim jáne bul elmen úlken emoıonaldy baılanysym bar. Basymnan qatty qıyn kezeńder ótkende Qazaqstannyń maǵan qalaı kómekteskenin umytpaımyn. Árıne, men orys ekenimdi, reseılik ekenimdi esten shyǵarmaımyn. Sebebi, meniń búkil otbasym - reseılik. Biraq men Qazaqstandy álemdik arenada tanystyratynymdy maqtan etemin", - dedi sportshy suhbatynda.
Aıta keteıik, Aleksandr Býblık 1997 jyly 17 maýsymda reseılik Gatchına qalasynda dúnıege kelgen. Qazaqstandyq tennısshi 2016 jylǵa deıin Reseı quramasynda óner kórsetti. Ol juptyq synda bir - Úlken dýlyǵa týrnıriniń fınalısi (French Open - 2021), jekeleı synda bir - ATP týrnıriniń jeńimpazy.
