يوردانيادا گاندبولدان ايەلدەر اراسىنداعى 18 -ءشى ازيا چەمپيوناتى جالعاسۋدا، دەپ حابارلايدى "ادىرنا" ۇلتتىق پورتالى.
قازىرگى ۋاقىتتا كوماندالار كىشى توپتاردا فينالدىق كەزدەسۋلەردى وتكىزۋ ءۇشىن قالدى، دەپ حابارلايدى asianhandball.org. «ا» توبىندا وينايتىن قازاقستان قۇراماسى جوسپارلانعان ءتورت ويىننىڭ ۇشەۋىن وتكىزىپ، بارلىعىن جەڭدى.
19 قىركۇيەكتە وزبەكستان قۇراماسى 31:18 ەسەبىمەن جەڭىلدى. بۇل جەڭىس قازاقستاننىڭ گاندبولشىلارىنا ازيا چەمپيوناتىنىڭ جارتىلاي فينالىنا مەرزىمىنەن بۇرىن شىعۋعا مۇمكىندىك بەردى.
بىراق قازاقستاندىق سپورتشىلار تۋرنيرلىك كەستەدە قاي ورىننان شىعاتىنى ءالى انىقتالعان جوق. ولار كىشى توپتاعى كوشباسشىلىقتى كورەي ايەلدەرىمەن بولىسەدى. بۇل كوماندالار 21 قىركۇيەكتە سوڭعى تۋردا كەزدەسىپ، كىمنىڭ مىقتى ەكەنىن انىقتايدى. بۇل كەزدەسۋدىڭ جەڭىمپازى «ۆ» كىشى توبىندا ەكىنشى ورىن الاتىن كوماندامەن كەزدەسەدى.
"ادىرنا" ۇلتتىق پورتالى
