قازاقستان 2023 جىلى بياتلوننان جاستار مەن جاسوسپىرىمدەر اراسىنداعى الەم چەمپيوناتىن وتكىزەدى، دەپ حابارلايدى «ادىرنا» ءتىلشىسى قر مادەنيەت جانە سپورت مينيسترلىگىنە سىلتەمە جاساپ.
بۇگىن حالىقارالىق بياتلونشىلار وداعى (IBU) تەحنيكالىق كوميتەتى مەن باسقارما مۇشەلەرىنىڭ ارنايى وتىرىسى ءوتتى.
«جيىن بارىسىندا الداعى ۋاقىتتا وتەتىن باسەكەلەر كەستەسى قارالدى. سونىمەن قاتار اتقارۋشى كوميتەت 2022-2024 جىلدارى وتەتىن الەم كۋبوگى، IBU كۋبوگى، ەۋروپا اشىق چەمپيوناتى، جاستار مەن جاسوسپىرىمدەر اراسىنداعى كۋبوك پەن الەم چەمپيوناتى وتەتىن جەردى انىقتادى.
وسىلايشا، بياتلوننان جاستار مەن جاسوسپىرىمدەر اراسىنداعى الەم چەمپيوناتىن 2023 جىلى 4-12 ناۋرىز ارالىعىندا قازاقستاننىڭ ششۋچينسك قالاسىندا وتكىزۋ تۋرالى شەشىم قابىلداندى»،-دەلىنگەن حابارلامادا.
«ادىرنا» ۇلتتىق پورتالى
