بوكستان قازاقستان ۇلتتىق قۇراماسىنىڭ بۇرىنعى كاپيتانى، وليمپيادا جانە الەم چەمپيوناتىنىڭ جۇلدەگەرى قامشىبەك قوڭقاباەۆ كاسىبي مانسابىن اياقتادى، دەپ حابارلايدى "ادىرنا" ۇلتتىق پورتالى.
بۇل تۋرالى ۇلتتىق قۇرامانىڭ باس باپكەرى قايرات ءساتجانوۆ مالىمدەدى.
قوڭقاباەۆتىڭ جەكە باپكەرى سەيىتجان توكەنوۆ شاكىرتىنىڭ بۇل شەشىمىنە قاتىستى پىكىر ءبىلدىرىپ، ونىڭ سپورتتىق مانسابىن جەڭىسپەن اياقتاماعانىنا وكىنىش ءبىلدىردى.
"قامشىبەك پاريج وليمپياداسىنان كەيىن بوكستان كەتەمىن دەپ جۇرگەن. جاقىندا باس باپكەر دە وسىنى ايتتى. ول ماعان جەكە كەلىپ ەشتەڭە ايتپاسا دا، مۇنداي اڭگىمە بۇعان دەيىن دە بولعانى راس. ارينە، وكىنىشتى. جاۋاپتى جارىستاردا جەڭىلىپ، جۇلدەسىز قالعانى جانىما باتادى. اسىرەسە، باپكەر رەتىندە پاريج وليمپياداسىنداعى جەڭىلىسى اۋىر ءتيدى. ءالى دە جەڭىسكە جەتۋگە مۇمكىندىگى بار ەدى،" – دەيدى توكەنوۆ.
قوڭقاباەۆ ۇزاق جىلدار بويى وزبەكستاندىق ءباحادۇر جالولوۆتىڭ باستى قارسىلاسى بولدى. الايدا، رەسمي جارىستاردىڭ كوبىندە جەڭىلىپ قالدى. توكەنوۆتىڭ ايتۋىنشا، ءجاسوسپىرىم كەزىندە قامشىبەك قارسىلاسىن بىرنەشە رەت جەڭسە دە، ەرەسەكتەر اراسىنداعى كەزدەسۋلەردە ونىڭ فيزيكالىق ارتىقشىلىقتارى ءرول ويناعان.
ء"باحادۇر – كوپتەگەن بوكسشىلار ءۇشىن ىڭعايسىز قارسىلاس. ونىڭ بويى مەن قولىنىڭ ۇزىندىعى جاقسى كومەكتەستى. ايتپەسە، ونىڭ بوكسىن ەرەكشە ادەمى دەپ ايتۋ قيىن،" – دەپ باپكەر پىكىر ءبىلدىردى.
سەيىتجان توكەنوۆ قوڭقاباەۆتىڭ سپورتتىق مانسابى جوعارى نوتادا اياقتالعانىن قالاعانىن جەتكىزدى: "توكيودا امەريكالىقتان جەڭىلدى. پاريجدە دە جولى بولمادى. بۇل – سپورت. بىراق مانسابىن جەڭىسپەن اياقتاعاندا جاقسى بولار ەدى،" – دەيدى ول.
