شىمكەنتتە زەينەتكەرلەردى ساۋىقتىرۋعا ارنالعان «بەلسەندى ۇزاق ءومىر» ورتالىعىنىڭ تاعى ءبىر بولىمشەسى اشىلدى. “حالىقارالىق قارتتار كۇنىنە” وراي اشىلعان نىساننىڭ رەسمي سالتاناتىنا شاھار باسشىسى م.ايتەنوۆ قاتىسىپ، ارداگەرلەردى مەرەكەمەن قۇتتىقتادى.
قالا اكىمى قۇتتىقتاۋ سوزىندە جىلى لەبىزىمەن قاتار، قارتتارعا مەملەكەت تاراپىنان كورسەتىلەتىن قامقورلىق پەن كومەكتىڭ كولەمى جىل سايىن ارتىپ وتىرعانىن جانە بۇل باعىتتاعى جۇمىستار پرەزيدەنت ساياساتىنداعى باسىم ءرول اتقاراتىن باعىتتارىنىڭ ءبىرى ەكەنىن جەتكىزدى.
جاڭادان اشىلعان بولىمشە قاراتاۋ اۋدانى، جىبەك جولى كوشەسى، 22/1 ۋچاسكەسىندە ورنالاسقان. جارتىلاي ستاتسيونارلىق جاعدايدا ەكى اۋىسىم بويىنشا 140 ازاماتقا دەيىن قىزمەت كورسەتىلەدى. ارداگەرلەر مۇندا دارىگەرلىك تەكسەرۋدەن ءوتىپ قانا قويماي، ART تەراپيا، اسەمدىك جاسارۋ تەراپياسى، كاراوكە زال ء(ان ايتۋ), حورەوگرافيا، يوگا، ەڭبەك تەراپياسى، ينەمەن ەمدەۋ تەراپياسى، ەمدىك دەنەشىنىقتىرۋ سياقتى ساۋىقتىرۋ شارالارىنان وتەدى. سونىمەن قوسا بوس ۋاقىتتى ۇيىمداستىرۋعا ارنالعان بيليارد،تەننيس، ساداق اتۋ، باسسەين، ماسساج، ترەناجەرلىق قىزمەت تۇرلەرى دە قاراستىرىلعان. جالعىزىلىكتى جاندارعا ارنالعان 8 ساعاتتىق جارتىلاي ستانتسيونار دا جۇمىس ىستەيدى.
“بەلسەندى ۇزاق ومىر”ورتالىعىنىڭ بولىمشەلەرى قالاداعى 4 اۋداننىڭ ۇشەۋىندە ءال-فارابي، ەڭبەكشى جانە قاراتاۋ اۋداندارىندا اشىلعان. اباي اۋدانى بويىنشا تاعى ءبىر بولىمشەنىڭ لەنتاسى كەلەسى جىلى قيىلاتىن بولادى.
