Shymkentte zeınetkerlerdi saýyqtyrýǵa arnalǵan «Belsendi uzaq ómir» ortalyǵynyń taǵy bir bólimshesi ashyldy. “Halyqaralyq qarttar kúnine” oraı ashylǵan nysannyń resmı saltanatyna shahar basshysy M.Áıtenov qatysyp, ardagerlerdi merekemen quttyqtady.
Qala ákimi quttyqtaý sózinde jyly lebizimen qatar, qarttarǵa memleket tarapynan kórsetiletin qamqorlyq pen kómektiń kólemi jyl saıyn artyp otyrǵanyn jáne bul baǵyttaǵy jumystar Prezıdent saıasatyndaǵy basym ról atqaratyn baǵyttarynyń biri ekenin jetkizdi.
Jańadan ashylǵan bólimshe Qarataý aýdany, Jibek joly kóshesi, 22/1 ýchaskesinde ornalasqan. Jartylaı staıonarlyq jaǵdaıda eki aýysym boıynsha 140 azamatqa deıin qyzmet kórsetiledi. Ardagerler munda dárigerlik tekserýden ótip qana qoımaı, ART terapııa, ásemdik jasarý terapııasy, karaoke zal (án aıtý), horeografııa, ıoga, eńbek terapııasy, ınemen emdeý terapııasy, emdik deneshynyqtyrý sııaqty saýyqtyrý sharalarynan ótedi. Sonymen qosa bos ýaqytty uıymdastyrýǵa arnalǵan bılıard,tennıs, sadaq atý, basseın, massaj, trenajerlyq qyzmet túrleri de qarastyrylǵan. Jalǵyzilikti jandarǵa arnalǵan 8 saǵattyq jartylaı stanıonar da jumys isteıdi.
“Belsendi uzaq ómir”ortalyǵynyń bólimsheleri qaladaǵy 4 aýdannyń úsheýinde Ál-Farabı, Eńbekshi jáne Qarataý aýdandarynda ashylǵan. Abaı aýdany boıynsha taǵy bir bólimsheniń lentasy kelesi jyly qıylatyn bolady.
