قۇرسايلىق 41 680 تۇرعىن تاياۋدا ساپالى اۋىز سۋمەن قامتىلادى

636
Adyrna.kz Telegram

بۇگىن قالا باسشىسى م.ايتەنوۆ قۇرساي شاعىن اۋدانى ينفراقۇرىلىم جۇمىستارىنىڭ قۇرىلىس بارىسىن تەكسەردى.

7 560-تان استام تۇرعىنى بار اۋماقتى ساپالى اۋىز سۋمەن قامتۋ ءۇشىن قۇرىلىس جۇمىستارى 2 كەزەڭمەن اتقارىلۋدا.
1-كەزەڭدە 185,5 شاقىرىمعا سۋ قۇبىرى تارتىلىپ، بىتۋگە جاقىن. ناتيجەسىندە 4 900 ابونەنت ساپالى اۋىز سۋمەن قامتىلادى. ال 2-كەزەڭدە تارتىلاتىن سۋ جۇيەسىنىڭ جالپى ۇزىندىعى 151 شاقىرىمدى قۇرايدى، قۇرىلىس جۇمىستارىنىڭ 92% ورىندالدى. قاراشا ايىندا
3 436 ابونەنت، نەمەسە جىل سوڭىنا دەيىن بارلىعى 41 680 تۇرعىن تازا سۋعا قول جەتكىزەتىن بولادى.
قۇرساي شاعىن اۋدانى ەلەكتر جارىعىمەن 100% قامتىلعان. دەگەنمەن قۋات كوزىنىڭ ساپاسىن ارتتىرۋ ماقساتىندا 110/35/10 كۆ ەلەكتر جەلىلەرىن تاراتۋ ستانتسياسىنىڭ قۇرىلىسى جۇرگىزىلۋدە. جۇمىستار جىل سوڭىنا دەيىن اياقتالىپ، تاعى 600 ءۇي ساپالى ەلەكتر جارىعىنا قوسىلادى.
ءبىرىنشى تالاپتىڭ ساپا، ودان سوڭ ءار ءىستىڭ مەرزىمىنەن كەشىكتىرىلمەي ەل يگىلىگىنە بەرىلۋىنە توقتالعان قالا باسشىسى، ىسكە جاۋاپكەرشىلىكپەن قاراۋدى ەسكە سالدى.
بۇدان بولەك، 2021 جىلى قۇرساي شاعىن اۋدانىن ساپالى ينتەرنەتپەن قامتۋ ماقساتىندا ءموبيلدى وپەراتورلارمەن بازالىق ستانتسيا ورناتۋ ءۇشىن ءتيىستى كەلىسىمدەر جاسالىنعان بولاتىن. بۇگىنگە دەيىن، قۇرساي شاعىن اۋدانىنا «كار-تەل» كومپانياسى تاراپىنان كوممەرتسيالىق نىسان يەلەرىمەن كەلىسۋ ارقىلى جىلىساي كوشە ماڭىنا بازالىق ستانتسيا ورناتىلدى.
سونىمەن قاتار جەكە ينۆەستورمەن كەلىسىم جاساسىپ، №49 مەكتەپتىڭ ماڭىنا انتەننا-ماتچتالىق قۇرىلعى ورناتىلدى. بۇگىندە اتالعان قۇرىلعىعا ءموبيلدى بايلانىس وپەراتورلارىنىڭ بازالىق ستانتسياسىن قوندىرۋ عانا قالدى. ءتيىستى جۇمىستار 1 اي كولەمىندە اتقارىلسا، شاعىن اۋدان ساپالى ينتەرنەتپەن قامتىلادى. ودان بولەك شاعىن اۋداندى جەكە ينۆەستور قاراجاتى ەسەبىنەن تالشىقتى وپتيكا جەلىسىمەن قامتۋ جۇمىستارى دا جوسپارعا ەنگىزىلگەن. قازىرگى تاڭدا، ينۆەستور تاراپىنان شاعىن اۋداندى ساپالى ينتەرنەتپەن قامتۋعا قاجەتتى قۇرال جابدىقتار الىنعان.
شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر