Búgin qala basshysy M.Áıtenov Qursaı shaǵyn aýdany ınfraqurylym jumystarynyń qurylys barysyn tekserdi.
7 560-tan astam turǵyny bar aýmaqty sapaly aýyz sýmen qamtý úshin qurylys jumystary 2 kezeńmen atqarylýda.
1-kezeńde 185,5 shaqyrymǵa sý qubyry tartylyp, bitýge jaqyn. Nátıjesinde 4 900 abonent sapaly aýyz sýmen qamtylady. Al 2-kezeńde tartylatyn sý júıesiniń jalpy uzyndyǵy 151 shaqyrymdy quraıdy, qurylys jumystarynyń 92% oryndaldy. Qarasha aıynda
3 436 abonent, nemese jyl sońyna deıin barlyǵy 41 680 turǵyn taza sýǵa qol jetkizetin bolady.
Qursaı shaǵyn aýdany elektr jaryǵymen 100% qamtylǵan. Degenmen qýat kóziniń sapasyn arttyrý maqsatynda 110/35/10 kv elektr jelilerin taratý stanııasynyń qurylysy júrgizilýde. Jumystar jyl sońyna deıin aıaqtalyp, taǵy 600 úı sapaly elektr jaryǵyna qosylady.
Birinshi talaptyń sapa, odan soń ár istiń merziminen keshiktirilmeı el ıgiligine berilýine toqtalǵan qala basshysy, iske jaýapkershilikpen qaraýdy eske saldy.
Budan bólek, 2021 jyly Qursaı shaǵyn aýdanyn sapaly ınternetpen qamtý maqsatynda mobıldi operatorlarmen bazalyq stanııa ornatý úshin tıisti kelisimder jasalynǵan bolatyn. Búginge deıin, Qursaı shaǵyn aýdanyna «Kar-Tel» kompanııasy tarapynan kommerııalyq nysan ıelerimen kelisý arqyly Jylysaı kóshe mańyna bazalyq stanııa ornatyldy.
Sonymen qatar jeke ınvestormen kelisim jasasyp, №49 mekteptiń mańyna antenna-matchtalyq qurylǵy ornatyldy. Búginde atalǵan qurylǵyǵa mobıldi baılanys operatorlarynyń bazalyq stanııasyn qondyrý ǵana qaldy. Tıisti jumystar 1 aı kóleminde atqarylsa, shaǵyn aýdan sapaly ınternetpen qamtylady. Odan bólek shaǵyn aýdandy jeke ınvestor qarajaty esebinen talshyqty optıka jelisimen qamtý jumystary da josparǵa engizilgen. Qazirgi tańda, ınvestor tarapynan shaǵyn aýdandy sapaly ınternetpen qamtýǵa qajetti qural jabdyqtar alynǵan.
Shymkent qalasy ákimdiginiń baspasóz qyzmeti
